ទីបំផុត Kris Wu ត្រូវបានចាប់ខ្លួនជាផ្លូវការពីករណីសង្ស័យបំពានផ្លូវ.ភេទ

ចិន៖ កាលពីល្ងាចថ្ងៃទី ១៦ ខែសីហា កន្លងទៅនេះ យោងតាមសារព័ត៌មានក្នុងស្រុក បានរាយការណ៍ឲ្យដឹងថា បន្ទាប់ពីដំណើរការស៊ើបអង្កេតទៅលើករណីរបស់ តារាចម្រៀងប្រុស លោក Wu Yifan តារាប្រុសរូបនេះ ត្រូវបានព្រះរាជអាជ្ញា Chaoyang ក្រុងប៉េកាំង យល់ព្រមចេញដីកាចាប់ខ្លួនជាផ្លូវការ ពីបទសង្ស័យរំលោភសេពសន្ថវៈ។

បន្ទាប់ពី ត្រូវបានឃុំខ្លួនអស់រយៈពេល ២ សប្តាហ៍មកនេះ ខណៈពេលនេះ តារាចម្រៀងប្រុសរូបនេះ ត្រូវបានចាប់ខ្លួនជាផ្លូវការ ពីបទសង្ស័យរំលោភសេពសន្ថវៈ។ ហើយនៅក្នុងការផ្លាស់ប្តូរមួយផ្សេងទៀត ស៊េរីនៃវេទិកាតាមបណ្ដាញសអ៊ីនធើណេត ដូចជា Tencent Youku iQiyi បានលុបវីដេអូ និងតន្ត្រីទាំងអស់ដែលទាក់ទងនឹង Wu Yifan ដោយបន្សល់ទុកតែព័ត៌មានថ្មីៗអំពីស្ថានភាព នៃការចាប់ខ្លួនឧក្រិដ្ឋកម្មរបស់តារាចម្រៀងប្រុសរូបនេះតែប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ចំពោះព័ត៌មានដ៏ក្ដៅគគុកមួយនេះ ក៏បានធ្វើឲ្យមហាជនជាច្រើនកត់សម្គាល់ និងនឹកឃើញឡើងវិញ នៅក្នុងការឆ្លើយតប កាលថ្ងៃទី ១៩ ខែកក្កដា របស់តារាប្រុសរូបនេះ ដែលបានបញ្ជាក់យ៉ាងខ្លាំងថា ប្រសិនបើមានសកម្មភាពបែបនេះ លោកនឹងទៅពន្ធនាគារដោយខ្លួនឯង ដោយទទួលខុសត្រូវចំពោះអ្វីគ្រប់យ៉ាងដែលលោកបានធ្វើ ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន