ជឿជាក់! ក្រុមនារីថ្មីរបស់ Hype ត្រូវបានជ្រើសរើសពីអតីតសមាជិក ២ ឬ៣ នាក់ នៃក្រុម IZ*ONE

កូរ៉េខាងត្បូង៖ យោងតាមរបាយការណ៍របស់ប្រព័ន្ធផ្សព្វផ្សាយផ្តាច់មុខដោយ Star News នៅថ្ងៃទី ១៧ ខែសីហាអតីតសមាជិកក្រុម IZ*ONE គឺតារាស្រី Kim Chae Won នឹងផ្លាស់ប្តូរទ្រនំទៅកាន់ HYBE Labels ។

តួយ៉ាង ក្រុមនារីថ្មីរបស់ HYBE ដែលពួកគេកំពុងបង្កើតជាមួយ Source Music ត្រូវបានគេរាយការណ៍ថាកំពុងមិនត្រឹមតែមាន Kim Chaewon សមាជិកក្រុម IZ*ONE ក៏មានសមាជិកម្នាក់ទៀត Miyawaki Sakura ក្នុងក្រុមមួយនេះ នឹងចូលរួមផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូចគ្នាផងដែរ អតីតភ្នាក់ងាររបស់ Kim Chaewon គឺ Woollim Entertainment និង HYBE បានយល់ព្រមលើកិច្ចព្រមព្រៀងរក្សាការសម្ងាត់ ដោយតារាស្រីរូបនេះនឹងក្លាយជាផ្នែកមួយនៃក្រុមចម្រៀងស្រីថ្មីរបស់ HYBE និង Source Music ។

លើសពីនេះត្រូវបានដឹងថា ក្រុមចម្រៀងនារីថ្មីនេះ ត្រូវបានគេជឿជាក់ថាមានសមាជិកចំនួន ៥ នាក់ ហើយក្នុងនោះមានពីរ ឬបីនាក់ ត្រូវបានជ្រើសចេញពីសមាជិក IZ*ONE ។ ក្នងនោះក៏មានសមាជិកម្នាក់ផងដែរ ដែលជាបេក្ខភាពដែលបានចូលរួមក្នុងកម្មវិធី Produce 48។

ចំណែកឯ Miyawaki Sakura ក៏ត្រូវបានគេលើកមកចូលរួម ក្រុមចម្រៀងនារីនេះផងដែរ តែជាលទ្ធផល វាមានការលំបាកក្នុងការចរចារវាង HYBE និងតំណាងជប៉ុនរបស់នាង ហេតុដូច្នេះ វាត្រូវបានអូសបន្លាយពន្យាពេល ពុំទាន់ដឹងថាយ៉ាងណា។

ប្រសិនបើ HYBE បើកបង្ហាញក្រុមចម្រៀងនារីថ្មីរបស់ពួកគេតាមការគ្រោងទុកនោះ ពួកគេនឹងមានក្រុមចម្រៀងនារីដែលនឹងឈរជើងភ្លាមៗ ទាំងក្នុងទីផ្សារកូរ៉េ និងជប៉ុនដោយប្រើកេរ្តិ៍ឈ្មោះ និងកិត្តិនាមស្ថិតក្រោមរបស់ IZ*ONE ដែលមានស្រាប់។

ទោះជាយ៉ាងណាខាង HYBE មិនទាន់ធ្វើអត្ថាធិប្បាយលើរបាយការណ៍នេះនៅឡើយទេ៕

ប្រភព៖ koreaboo

សូមទស្សនារូបភាពខាងក្រោម៖

• តារាកូរ៉េ