ក្រោយពីភរិយាប្រកាសឋានៈត្រឹមមិត្ត Dj Petchja ក៏ចេញមកបន្ថែមបែបនេះ

ថៃ៖ វាគឺជារឿងដ៏សោកស្ដាយមួយ ក្នុងពេលដែល តារាស្រី Newclear Hansa បានចេញមកប្រកាសពីការបញ្ចប់ទំនាក់ទំនងប្ដីប្រពន្ធ រវាងលោក Dj Petchja ហើយត្រលប់មកធ្វើជាមិត្តល្អនឹងគ្នាវិញ បន្ទាប់ពីមានពាក្យលេចលឺថាមានការបែកបាក់គ្នាមួយរយៈ។ 

ដោយឡែក ថ្មីៗនេះ លោក Dj Petchja ស្រាប់តែបានលើកឡើងអំពីបញ្ហានេះម្ដងទៀត តាមរយៈការបង្ហោះរូបភាពគូដ៏រីករាយជាមួយនឹង Newclear និងមានសារបើកចំហរដើម្បី ជូនដំណឹងទៅដល់អ្នកគាំទ្រពីការផ្លាស់ប្ដូរឋានៈប្ដីប្រពន្ធទៅជាមិត្តភក្តិ ព្រមទាំងជាបទពិសោធថ្មីមួយ ដែលលោកបានជួបប្រទះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះដែរ មនុស្សជាច្រើនបានចាប់អារម្មណ៍ទៅលើចំណុចមួយដែល លោក Dj Petchja បានលើកឡើងថា អ្នកទាំងពីរមិនបានទៅជាមួយនឹងអ្នកណាផ្សេងទេ ហើយក៏មិនបានឈ្លោះប្រកែកគ្នាដែរ ប៉ុន្តែឥរិយាបថគឺមិនដូចគ្នាទេ។ ជាពិសេស លោកក៏បានបន្ថែមទៀតថា តារាស្រី Newclear គឺជាមនុស្សល្អ និងជាម្តាយដ៏ល្អម្នាក់ ព្រមទាំងប្រាប់ថា គ្មាននរណាចង់ចែកផ្លូវគ្នាទេ ប៉ុន្តែអ្នកទាំងពីរបានព្យាយាមយ៉ាងច្រើនមកហើយ។ 

យ៉ាងណាមិញ ចំពោះកូនប្រុសតូចរបស់ប្ដីប្រពន្ធមួយគូនេះ ក៏ស្ថិតនៅជាមួយនឹងឪពុកម្ដាយដូចធម្មតា គ្រាន់តែស្ថានភាពឪពុកម្តាយ ពេលនិយាយគ្នាដូចជាមិត្តភក្តិជិតស្និទ្ធតែប៉ុណ្ណោះ ដើម្បីរក្សាចម្ងាយក្នុងការនៅជាមួយគ្នាឲ្យកាន់តែរលូន ៕

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ