ស្រលាញ់គ្នាស្ទើរលេប ចុងក្រោយគូស្នេហ៍តារាទាំងនេះ បន្សល់ត្រឹមពាក្យជាមិត្ត

ថៃ៖ ការកើតឡើងនូវសេចក្ដីស្នេហារវាងមនុស្សពីរនាក់ គឺកើតឡើងដោយសារចិត្តនឹងចិត្ត ហើយស្នេហាអាចធ្វើឲ្យមនុស្សរីករាយជាមួយវាបានតិចឬច្រើន អាស្រ័យលើមនុស្សពីរនាក់ចេះយល់គ្នាដល់កម្រិតណា។ តែទំនាក់ទំនងស្នេហា អាចមានការផ្លាស់ប្តូរ ទៅតាមពេលវេលា ជាពិសេសពេលភាគីទាំងសងខាងចាប់ផ្ដើមអស់អារម្មណ៍ជាមួយគ្នាតែម្ដង។

ពិតណាស់ បើក្រឡេកទៅមើលរឿងរ៉ាវស្នេហារបស់តារាថៃនាពេលបច្ចុប្បន្ននេះ មានមហាជនជាច្រើនកំពុងចាប់អារម្មណ៍ជាខ្លាំង ខណៈដែលមានតារាជាច្រើនគូបានសម្រេចចិត្តបែកគ្នាជាមួុយគូស្នេហ៍ភ្លាមៗ បើទោះបីធ្លាប់ទាក់ទង និងស្វែងយល់ចិត្តគ្នអស់ជាច្រើនឆ្នាំយ៉ាងណាក្ដី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាស្ដែង ក្រោយតារាថៃបានបែកគ្នានឹងគូស្នេហ៍ដើរផ្លូវរៀងៗខ្លួនលែងពាក់ព័ន្ធរឿងមានទំនាក់ទំនងស្នរហាជាមួយគ្នា គេសង្កេយឃើញតារាទាំងនេះ សម្រេចចិត្តបែកគ្នាដោយស្ងៀមស្ងាត់ ត្រឹមបន្សស់ពាក្យជាមិត្តរាប់អានគ្នាធម្មតាទៅវិញ។ ដោយតារាថៃដែលបានបែកគ្នាជាមួយគូស្នេហ៍ ហើយនៅតែរាប់អានអតីតគូស្នេហ៍ដូចជាមិត្តភក្ដិនោះមានដូចជា៖

១៖ Taew Natapohn

តារាសម្ដែងស្រីដ៏ល្បី Taew Natapohn បានសម្រេចចិត្តបែកគ្នាជាមួយមិត្តប្រុស ខណៈទាក់ទងគ្នាមក១៤ឆ្នាំ។ ហើយបច្ចុប្បន្នតារារូបនេះ ក៏មានគូស្នេហ៍ថ្មី កំពុងមានទំនាក់ទំនងយ៉ាងផ្អែមល្ហែមផងដែរ។

២៖ Toey Jarinporn

តារាសម្ដែងស្រី Toey Jarinporn និងតារាសម្ដែងប្រុសរូបសង្ហា Alex Teeradetch ក្រោយទាក់ទងគ្នាបាន៣ឆ្នាំថ្មីៗនេះអ្នកទាំងពីរបានសម្រេចចិត្តបែកគ្នា ប្ដូរពីពាក្យថាគូស្នេហ៍មកជាមិត្តភក្ដិធម្មតាវិញ។

៣៖ Pooklook Fonthip

គួរឲ្យភ្ញាក់ផ្អើល ថ្មីៗនេះតារាសម្ដែងស្រី Pooklook Fonthip និងតារាសម្ដែងប្រុសរូបសង្ហា Mike Pattaradet បានសម្រេចចិត្តបែបគ្នាធ្វើឲ្យហ្វេនភ្ញក់ផ្អើលគ្រប់គ្នា ហើយគូស្នេហ៍មួយគូនេះនៅតែបន្តរាប់អានគ្នាជាមិត្ត មិនចាញ់តារាទាំងពីរគូខាងលើប៉ុន្មានឡើយ បើទោះលែងជាគូស្នេហ៍ដូចមុនក្ដី។

• ស្នេហា
• រូបភាព
• តារាខ្មែរ