សមឈ្មោះជាបវរកញ្ញាមែន! រ៉េត សារីតា បវរកញ្ញាឯកចក្រវាលកម្ពុជា ក្លាយជាអគ្គរាជទូតសុឆន្ទ:របស់ក្រសួងកិច្ចការី

តារាកម្សាន្ត: កាលពីពេលថ្មីៗកន្លងទៅនេះ យោងតាមការបង្ហោះរបស់គេហទំព័រហ្វេសប៊ុកមួយមានឈ្មោះថា Universe Pageant ដែលមានអ្នកចុចLike ផេកដល់ទៅជិត៤ម៉ឺននាក់បានបង្ហាញ រូបថតមួយសន្លឹកមានភ្ជាប់ដោយរូបរបស់បវរកញ្ញាឯកចក្រវាលកម្ពុជា និងលិខិតរបៀបវារ:មួយសន្លឹកដែលជាលិខិតនៃការចុះហត្ថលេខាព្រមព្រៀងរវាងក្រសួងកិច្ចការនារីនិងកញ្ញា រ៉េត សារីតា បវរកញ្ញាឯកចក្រវាលកម្ពុជា ឆ្នាំ២០២ស្តីពីការលើកកម្ពស់សមភាពយេនឌ័រនិងបង្កើនភាពអង់អាចដល់ស្រ្តី ប្រកបដោយបរិយាបន្ន ក្នុងព្រះរាជាណាចក្រកម្ពុជា។

ផ្អែកតាមលិខិតនេះ មានន័យថាបវរកញ្ញាឯកចក្រវាលកម្ពុជា កញ្ញារ៉េត សារីតានឹងក្លាយទៅជាអគ្គរាជទូតសុឆន្ទ:របស់ក្រសួងកិច្ចការី ដែលនឹងចូលរួមធ្វើការងារផ្សព្វផ្សាយក្នុងការលើកកម្ពស់សមភាពយេនឌ័រនិងបង្កើនភាពអង់អាចដល់ស្រ្តី ប្រកបដោយបរិយាបន្ន ក្នុងព្រះរាជាណាចក្រកម្ពុជា សម្តៅបង្កើនការយល់ដឹង និងនាំមកនូវសមភាពយេនឌ័រក្នុងសង្គម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែរថា កញ្ញារ៉េតសារីតា ធ្លាប់ជាអតីតនិស្សិតថ្នាក់បរិញ្ញាបត្រភាសាអង់គ្លេសនៅជាវិទ្យាស្ថានវ៉ាន់ដាខ្ញុំបច្ចុប្បន្ននេះក៏ជានិស្សិតផ្នែកទំនាក់ទំនងអន្តរជាតិនៅសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ចសេដ្ឋកិច្ច៕

ប្រភពព័ត៌មាន: Universe Pageant

• រូបភាព