ស្ងាត់ៗ តារាចម្រៀងខូចចិត្តលំដាប់ The Weeknd ជះលុយ៧០លានដុល្លារ ទិញវិមានមួយកន្លែង

បរទេស៖ នៅថ្ងៃទី ២០ ខែសីហាយោងតាមកាសែត New York Post បាននិយាយថា តារាចម្រៀង The Weeknd ទើបតែចំណាយប្រាក់ ៧០ លានដុល្លារដើម្បីទិញផ្ទះនៅតំបន់ Bel Air ក្នុងរដ្ឋ Los Angele ពីអ្នកជំនួញឈ្មោះ Reinout Oerlemans ។

ជាមួយគ្នានេះ វិមានដែលមានផ្ទៃក្រឡាដីសរុប ៦.៤០០ ម៉ែតការ៉េ ជាមួយទំហំវីឡាមានទំហំ ៣.០០០ ម៉ែតការ៉េ។ អចលនទ្រព្យដ៏មានតម្លៃនេះ មានបន្ទប់គេងចំនួន ៩ ដែលមានបំពាក់សម្ភារៈប្រណីតភាពជាច្រើន មិនត្រឹមតែប៉ុណ្ណោះ វាមាន ទីលានកីឡា ស្ប៉ា សូណា អាងហែលទឹកក្នុងផ្ទះ បន្ទប់រោងកុន កន្លែងហាត់ប្រាណ និងស្ទូឌីយោតន្ត្រីផ្ទាល់ខ្លួនទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពដដែល បានបន្តទៀតថា ផ្ទះនេះត្រូវបានបំពាក់ដោយបរិក្ខារទំនើបៗបច្ចេកវិទ្យាចុងក្រោយបង្អស់ និងមានទេសភាពស្រស់ស្អាតបំផុតគួរឲ្យគយគន់។ យោងតាមកាសែត New York Post ទីតាំងដ៏ស្រស់ស្អាត គឺជាមូលហេតុដែលវីឡានេះត្រូវចំណាយរហូតដល់ ៧០ លានដុល្លារអាមេរិក៕

ប្រភព៖ 

សូមទស្សនារូបភាពខាងក្រោម៖

• តារាអន្តរជាតិ