ប្រកាសបិទផ្សារសិនជូរីផ្លាហ្សា រយៈពេល៤ថ្ងៃ ក្រោយរកឃើញ អ្នកឆ្លងកូវីដ ចំនួន១២នាក់

រាជធានីភ្នំពេញ ៖ មុននេះបន្តិច យោងតាម ការប្រាប់ឲ្យដឹង ពីទំព័រហ្វេសប៊ុកផ្លូវការ អនុគណៈកម្មការស្រាវជ្រាវជំងឺកូវីដ១៩ បានអំពាវនាវ ដល់បងប្អូនដែល បានពាក់ព័ន្ធនឹង «ផ្សារបណ្តោះអាសន្នសិនជូរីផ្លាហ្សា» ឲ្យបានជ្រាបច្បាស់ថា ៖

នៅថ្ងៃទី២០ និង២១ សីហា ឆ្នាំ២០២១ ក្រុមគ្រូពេទ្យបានចុះយកសំណាកនៅ #ផ្សារបណ្តោះអាសន្នសិនជូរីផ្លាហ្សា ដែលមានទីតាំងស្ថិតនៅ ភូមិតាងួន១ សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ បានរកឃើញវិជ្ជមាន #កូវីដ១៩ ចំនូន ១២នាក់ ក្នុងចំណោមអ្នកទៅធ្វើតេស្ត ២៤៩នាក់

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ ផ្សារទាំងមូលត្រូវបិទរយៈពេល ៤ថ្ងៃ ចាប់ពីថ្ងៃទី២២ ដល់ថ្ងៃ២៥ សីហា ឆ្នាំ២០២១ រង់ចាំលទ្ធផលពិសោធន៍រកមេរោគ #កូវីដ១៩ បំប្លែងថ្មី #Delta។

សូមបញ្ជាក់ទីតាំងដែលពាក់ពន័្ធករណី #Delta៖ កន្លែងលក់បបរ, តូបលេខ C01 និង C02, តូបលក់សាច់ជ្រូកប្រភេទ M ចាស់, កន្លែងលក់ផ្លែឈើខាងក្រៅបរិវេណផ្សារប៉ែកខាងលិច, កន្លែងលក់សាច់ជ្រូកនៅម្ខាងផ្លូវខាងលិចផ្សារ ត្រូវបិទខ្ទប់រយៈពេល២១ថ្ងៃ ចាប់ពីថ្ងៃទី២២សីហា ដល់ ថ្ងៃ១១ កញ្ញា ឆ្នាំ២០២១។

ដូច្នេះហើយ បងប្អូនដែលបានពាក់ព័ន្ធ សូមមេត្តា តាមដានសុខភាពរបស់ខ្លួនរយៈពេល ២១ថ្ងៃ ដើម្បីសុវត្ថិភាព សូមចូលរួមពាក់ម៉ាស់ រក្សាគម្លាត និង ឧស្សាហ៍លាងដៃ គ្រប់ទីកន្លែង គ្រប់ពេលវេលា!!៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• ជីវិត
• រូបភាព