ខានច្រៀងយូរពេក Jay Chou ត្រូវរិះគន់ថាច្រៀងមិនកើត

ចិន៖ ថ្មីៗនេះ ដោយតាមប្រភពមួយ បានរាយការណ៍ថា តារាចម្រៀងប្រុសដ៏ល្បីឈ្មោះ លោក Jay Chou បានធ្វើការ​ចូលរួមសម្តែងសិល្បៈចម្រៀង នៅក្នុងកម្មវិធី 818 Night Festival និងបានលេចមុខនៅចុងកម្មវិធីក្នុងនាមជាភ្ញៀវ ដោយមិនបានជូនដំណឹងជាមុន។ 

តាមរយៈការបង្ហាញខ្លួនលើកនេះ លោក Jay Chou បានធ្វើឲ្យទស្សនិកជនជាច្រើនមានការភ្ញាក់ផ្អើលយ៉ាងខ្លាំង ដោយសារតែតារាចម្រៀងប្រុសរូបនេះ បានសារភាពថា ខ្លួនមិនបានចូលរួមសកម្មភាពសម្តែងសិល្បៈចម្រៀង អស់រយៈពេលជាយូរមកហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែអ្វីដែលគួរឲ្យចាប់អារម្មណ៍បំផុតនោះគឺ ខណៈពេលដែល Jay Chou បានច្រៀងបទចម្រៀងមួយបទ នៅលើឆាកតន្ត្រីមួយនេះ ស្រាប់តែមានមនុស្សជាច្រើន បានបញ្ចេញមតិថាសម្លេងរបស់តារាប្រុសរូបនេះ បានផ្លាស់ប្តូរទៅហើយ និងធ្លាក់ចុះយ៉ាងខ្លាំង ដោយមានសម្លេងស្អកបន្តិច និងមិនសូវល្អដូចពីមុននោះទេ។

មិនត្រឹមតែប៉ុណ្ណោះ បណ្ដាទស្សនិកជនទាំងនោះ ការបង្ហាញពីការអាក់អន់ចិត្តចំពោះការសម្ដែងរបស់ លោក Jay Chou ចំពោះភាពប្រែប្រួលដ៏នឹកស្មានមិនដល់មួយនេះ ខណៈដែលមានមតិជាច្រើនទៀត ពីអ្នកគាំទ្ររបស់លោក បានលើកឡើងថា បើទោះបីជាយ៉ាងណា លោកនៅតែជាអាយដលរបស់យុវវ័យក្មេងៗជានិច្ច៕ 

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន