ទៀតហើយ Justin ត្រូវគេចាប់បានពីស្ទាយ៍តែងខ្លួនឡើងរយីករយាក

បរទេស៖ មួយរយៈចុងក្រោយមកនេះ តារាចម្រៀងប្រុស លោក Justin Bieber ហាក់ត្រូវបានមនុស្សជាច្រើនធ្វើការរិះគន់មិនឈប់ឈរជាមួយនឹងរូបរាង ជាពិសេស ស្ទាយ៍តែងខ្លួនរបស់តារាប្រុសរូបនេះ ខណៈពេលបង្ហាញខ្លួននៅតាមទីសាធារណៈម្ដងៗ ថែមទៀតផង។

ជាក់ស្ដែង កាលពីថ្មីៗនេះ រូបភាពជាច្រើនសន្លឹក របស់ Justin ត្រូវបានចែកចាយពាសពេញបណ្ដាញសង្គម ដែលបង្កភាពភ្ញាក់ផ្អើលសាជាថ្មីចំពោះអ្នកលេងអ៊ីនធើណេតជាច្រើនដែលតែងតែធ្វើការតាមដាន ដោយនៅក្នុងនោះ តារាចម្រៀងប្រុសរូបនេះ បានតែងខ្លួនដោយស្លៀកខោខ្មៅ និងអាវដៃខ្លីបែបរលុង អង្គុយនៅលើកៅអី ខណៈកំពុងកាន់រទេះទារក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលសំខាន់នោះ ក្រោយពីរូបថតខាងលើនេះបានបង្ហាញលើបណ្ដាញសង្គមភ្លាមៗ វាក៏ក្លាយជាប្រធានបទដ៏ក្ដៅ ដែលបានធ្វើឲ្យអ្នកទស្សនាជាច្រើនធ្វើការពិភាក្សា ក្នុងពេលដែលមនុស្សមួយចំនួន បានបញ្ចេញមតិយោបល់ថា ស្ទាយ៍តែងខ្លួនរបស់​ Justin បែបនេះ មើលទៅ គឺដូចជា អ្នកសុំទាន ថែមទៀតផង។ 

យ៉ាងណាមិញ ជាមួយនឹងរូបភាពទាំងនោះ Justin មិនបានបង្ហាញខ្លួនតែម្នាក់ឯងនោះទេ ប៉ុន្តែនៅក្នុងនោះដែរ ក៏បានអមដំណើរជាមួយនឹង Hailey ដែលជាភរិយារបស់ខ្លួន ដោយអ្នកទាំងពីរ បាននាំក្មួយស្រីរបស់ Hailey ទៅដើរលេង ផងដែរ៕ 

ប្រភព៖ Ngoisao.vn

សូមទស្សនារូបភាពខាងក្រោម៖ 

• តារាអន្តរជាតិ