ខេត្តមួយចំនួន ត្រៀមផ្ទេរ អ្នកចត្តាឡីស័កពីសាលារៀន ទៅកាន់មណ្ឌលផ្សេង ដើម្បីត្រៀមបើកសាលាឆាប់ៗនេះ

កម្ពុជា ៖ ដូចបានជ្រាបរួចមកហើយ ក្នុង ពិធីបើកយុទ្ធនាការចាក់វ៉ាក់សាំងជូនក្មេងៗ និងយុវវ័យ នៅដើមខែសីហា កន្លងទៅនេះ សម្តេចតេជោ ហ៊ុនសែន បានមានប្រសាសន៍ថា ផលប្រយោជន៍​នៃ​ការចាក់​វ៉ាក់នេះ អាច​អនុញ្ញាត​ដល់​ការបើក​ដំណើរការ​ឡើងវិញ សម្រាប់​សាលារៀន និង​គ្រឹះស្ថាន​អប់រំ​នានា​យ៉ាងហោច ថ្នាក់​អនុវិទ្យាល័យ សម្រាប់​បវេសនកាល ឆ្នាំ​សិក្សា ២០២១- ២០២២ នៅ​ខែកញ្ញា ឬ​ខែតុលា​ខាងមុខ​។

ជាមួយគ្នានេះ ដោយសារតែ តាមបណ្តាខេត្តជាច្រើន បានយកសាលារៀនជា មណ្ឌលចត្តាឡីស័ក ហេតុដូច្នេះហើយ មកដល់ពេលនេះ មានខេត្តមួយចំនួន ចាប់ផ្តើមត្រៀមនឹង ផ្ទេរអ្នកធ្វើចត្តាឡីស័កពីមណ្ឌលក្នុងសាលារៀន ទៅកាន់មណ្ឌលផ្សេងទៀត ដើម្បីរៀបចំសាលារៀន ត្រៀមនឹងដំណើរការឡើងវិញ ក្នុងពេលឆាប់នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្តែង ក្នុងនោះគឺមាន ខេត្តប៉ៃលិន  លោក​ អ៊ី ឈាន ជាមួយ​អភិបាលខេត្ត​ប៉ៃលិន លោកស្រី បាន ស្រីមុំ កាលពី​ថ្ងៃទី​ ២១ សីហា បាននាំកម្លាំង ចុះទៅរៀបចំមណ្ឌលចត្តាឡីស័កថ្មី នៅក្នុង​ឃុំ​អូរអណ្តូង និង​ឃុំ​ស្ទឹងកាច់ ស្រុក​សាលាក្រៅ មិនតែប៉ុណ្ណោះ លោក អ៊ី ឈាន បានបន្តទៀតថា «ក្រោយពី​ការចាក់​វ៉ាក់សាំង​រួចរាល់​គ្រប់ៗ​គ្នា​នៅ​ទូទាំង​ខេត្តហើយ ត្រូវ​ឱ្យ​ពួកគាត់​ចូលរៀន​ឡើងវិញ ទើប​រដ្ឋបាលខេត្ត​ចាត់​ឱ្យ​មន្ត្រីក្រោមឱវាទ​ចុះ​រៀបចំ​មណ្ឌល​ចត្តាឡីស័ក​ថ្មី​សម្រាប់​ផ្ទេរ​ពួកគាត់​ទាំងនោះ យក​សាលារៀន​ឱ្យ​សិស្ស​ចូលរៀន​សាជាថ្មី​ឡើងវិញ​»។

ចំណែកឯ ខេត្តបន្ទាយមានជ័យ​ និង ខេត្តឧត្តរមានជ័យ ក៏កំពុងតែត្រៀម នឹងទទួលបញ្ជាក្នុងការផ្ទេរអ្នកចត្តាឡីស័ក ក៏ដូចជា ទទួលបញ្ជាក្នុងការរៀបចំដំណើរការសាលាឡើងវិញ ផងដែរ៕

ប្រភព ៖ ភ្នំពេញប៉ុស្តិ៍

• ជីវិត
• រូបភាព