រដ្ឋបាលខេត្តស្ទឹងត្រែង ប្រកាសរកឃើញមេរោគកូវីដ១៩ បំប្លែងខ្លួន ដែលតា ( Delta) ១៨ ករណីបន្ថែម

ស្ទឹងត្រែង៖ យោងតាមការប្រកាសរបស់រដ្ឋបាលខេត្តស្ទឹងត្រែង កាលពីថ្ងៃទី២៤ ខែសីហា ឆ្នាំ២០២១នេះ បានឱ្យដឹងថា អាជ្ញាធរខេត្ត បានរកឃើញអ្នកវិជ្ជមានកូវីដ១៩ ចំនួន ២៣ នាក់ និងករណីស្លាប់ចំនួន ២ នាក់។ ក្នុងនោះ ករណីអ្នកជំងឺកំពុងសម្រាកព្យាបាល មានផ្ទុកប្រភេទមេរោគ ដែលតា (Delta) ចំនួន ១៨នាក់ បន្ថែមទៀត។

ទន្ទឹមនេះ រដ្ឋបាលខេត្ត ក៏បានធ្វើការបង្ហាញអត្តសញ្ញាណនៃអ្នកវិជ្ជមានកូវីដ១៩ ទាំងនោះ។ ក្នុងនោះ ក្រុមការងារជំនាញថ្នាក់ខេត្ត បាននឹងកំពុងបន្តស្រាវជ្រាវរកអ្នកប៉ះពាល់ជាមួយអ្នកវិជ្ជមានកូវីដ១៩ ខាងលើផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមការបញ្ជាក់របស់រដ្ឋបាលខេត្តស្ទឹងត្រែង បានឱ្យដឹងថា ក្នុងចំណោមអ្នកដែលកំពុងសម្រាកព្យាបាលនោះ គឺមានផ្ទុកមេរោគកូវីដ១៩ ប្រភេទ ដែលតា ចំនួន​ ១៨ នាក់។

ជាមួយគ្នានេះ អាជ្ញាធរខេត្តស្ទឹងត្រែង ក៏បានអំពាវនាវដល់ប្រជាពលរដ្ឋ ដែលមានការពាក់ព័ន្ធ ផ្ទាល់ ឬប្រយោលជាមួយអ្នកជំងឺ សូមធ្វើការទំនាក់ទំនងបន្ទាន់មកក្រុមការងារគ្រូពេទ្យជំនាញ តាមរយៈ​​ ០៨៨ ៦៣៦ ៣៦៨៩ ឬ ០៨៨ ៨៧៧ ៨០០០ ឬ ០១៧ ៧៧៨ ០០០ និង ០៩៧ ២៦៣ ០៥៦៤ ដើម្បីយកសំណាកវិភាគ៕