តិចច្រឡំ ភ្លៀងម្សិលមិញ ត្រីឡើងពេញផ្លូវទៅ! មុននេះបន្តិច រថយន្តដឹកត្រីមួយគ្រឿង ក្រឡាប់កណ្ដាលផ្លូវ

កំពង់ចាម៖ នៅថ្ងៃទី ២៥ ខែសីហា ឆ្នាំ២០២១ កាលពីវេលាម៉ោង ១០ៈ៥៥នាទីព្រឹកមិញនេះ មានហេតុការណ៍គ្រោះថ្នាក់ចរណ៍មួយបានកើតឡើង លើរថយន្តដឹកត្រីធន់ធំមួយគ្រឿង ដោយបានក្រឡាប់បះជើងដេកស្ដូកស្ដឹងនៅពីលើទ្រូងផ្លូវ បណ្ដាលឲ្យត្រីដែលស្តុកក្នុងឡាននោះ បានជ្រុះរប៉ាត់រប៉ាយ ពាសពេញផ្លូវដូចគេយកមកចាក់គរយ៉ាងដូច្នោះ។ 

ក្នុងចំណុចកើតហេតុនេះដែរ បានកើតឡើងនៅទីតាំងមុខមន្ទីពេទ្យបង្អែកស្គន់ ខេត្តកំពង់ចាម ដែលបង្កឲ្យមានការភ្ញាក់ផ្អើលដល់ប្រជាពលរដ្ឋដែលរស់នៅក្បែរនោះ ទៅចោមរោមមើលព្រោងព្រាត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ បើយោងតាមប្រភពនៅនឹងកន្លែងកើតហេតុបានបន្ថែមឲ្យដឹងថា សម្រាប់ហេតុការណ៍មួយនេះ ជាសំណាងល្អណាស់ដែលតៃកុងឡាន និងអ្នករួមដំណើរលើដងផ្លូវផ្សេងឯទៀត សុទ្ធសឹងតែមានសុវត្ថិភាពល្អទាំងអស់គ្នាផងដែរ៕

ទស្សនារូបភាពខាងក្រោម៖

ប្រភពរូបភាព៖ Nin SovanNara

• ទីកន្លែង