មានអាយដលអ្នកអត់? តារាកូរ៉េទាំងនេះ សុទ្ធតែល្បីខ្លាំងក្នុងវិស័យFashion

កូរ៉េខាងត្បូង៖ កំពូលតារាចម្រៀង K-Pop មកពីក្រុមល្បីៗទាំងប៉ុន្មាននាក់ខាងក្រោមនេះ បច្ចុប្បន្នកំពុងមានឥទ្ធិពលខ្លាំង ហើយមានហ្វេនៗច្រើនគ្របដណ្ដប់សឹងគ្រប់ប្រទេស ដែលចូលចិត្តនិងគាំទ្រពួកគេ តាមរយៈបទចម្រៀងពីរោះ អមនិងក្បាច់រាំដ៏រស់រវើករបស់គេ។

ទន្ទឹមនឹងនេះ អ្វីដែលមហាជននាំគ្នាពោលសរសើរមិនដាច់ពីមាត់ គឺរូបសម្បត្តិដ៏ស្រស់ស្អាតរបស់តារាទាំងនេះផ្ទាល់តែម្ដង។ ជាពិសេស បើនិយាយពីការលេងម៉ូតសម្លៀកបំពាក់វិញ ពួកគេក៏ត្រូវបានអ្នកគាំទ្រប្រសិទ្ធនាមថា ជាតារាដែលមានឥទ្ធិពលជាងគេក្នុងឧស្សាហកម្មម៉ូត ឬវិស័យ Fashion កូរ៉េផងដែរ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាប្រុសស្រីទាំងនោះ រួមមាន៖

១.G-Dragon (BIGBANG)

បានក្លាយជាទូតសុឆន្ទៈផលិតផលម៉ាក Chanel ចាប់តាំងពីឆ្នាំ ២០១៧។ ហើយរាល់ពេលលោកតែងខ្លួនចេញទៅណាមកណា ឃើញថាការរៀបចំនិងលេងម៉ូតសម្លៀកបំពាក់ចេញមកគឺឡូយហ្មង។ 

២.Lisa (BLACKPINK)

សមាជិកក្មេងកូនពៅរបស់ក្រុម BlackPink រូបនេះ តែងបង្ហាញភាពលេចធ្លោរជាមួយផលិតផលដែលនាងធ្វើជាទូតសុឆន្ទៈ ដូចជា CELINE គ្រឿងសំអាង MAC ព្រមទាំងគ្រឿងអលង្ការប្រណិត និងកាបូបម៉ាក Bvlgari ថែមទៀតផង។

៣.Kai (EXO)

តារាប្រុសដែលតំណាងឲ្យផលិតផលម៉ាក Gucci រូបនេះ ក៏មានភាពទាក់ទាញជាមួយម៉ូតសម្លៀកបំពាក់របស់គេផងដែរ។

៤.Jennie (BLACKPINK)

នាងជាតារាស្រីតំណាងឲ្យផលិតផលម៉ាក Chanel ទៈចាប់តាំងពីឆ្នាំ ២០១៨ ហើយក៏ត្រូវបានគេសរសើរថា ជាតារាស្រីដែលជះឥទ្ធិពលយ៉ាងខ្លាំងនៅក្នុងប្រទេសកូរ៉េខាងផ្នែកហ្វេសសិន។

៥.Sehun (EXO)

ប្រុសសង្ហារូបនេះ ក៏ជាតារាតំណាងឲ្យផលិតផលម៉ាក Dior ផងដែរ។ ហើយហ្វេសសិនរបស់លោក ក៏ឡូយឆាយមិនធម្មតាដែរ។

៦.Jackson Wang

ជាតារាតំណាងឲ្យផលិតផលម៉ាក Fendi ហើយការតែងខ្លួនរបស់លោកសុទ្ធតែប្លែកភ្នែកគួរជាទីចាប់អារម្មណ៍។

ប្រភព៖ Zing News

• រូបភាព
• តារាកូរ៉េ