លុយចាយលែងអស់! កូនថាចង់ជិះឡានក្រុងពណ៌លឿង Travis Scott ជះលុយទិញឲ្យកូនភ្លែត

បរទេស៖ អ្នកដែលតាមដានព័ត៌មានតារា ប្រាកដជាស្គាល់ច្បាស់អំពី​តារាចម្រៀងរ៉េបស្បែកខ្មៅ ដែលមានសង្សាជាមហាសេដ្ឋីនី Kylie Jennerនោះ ដែលលោកមានឈ្មោះថា Travis Scott។  ជាការពិតណាស់ Travis Scott តារាចម្រៀងរ៉េបសម្លេងធ្ងន់រូបនេះ ក៏មានកូនស្រីសំណព្វចិត្តម្នាក់ដែលមានឈ្មោះ Stormi Webster ដែលមានអាយុទើបតែ៣ឆ្នាំតែប៉ុណ្ណោះ។  

យ៉ាងណាមិញ ស្រាប់តែពេលថ្មីៗនេះ បើយោងតាមសារព័ត៌មាន Daily Mail បាន ឲ្យដឹង ថា Travis Scott បានចំណាយប្រាក់យ៉ាងច្រើនដើម្បីធ្វើឱ្យកូនស្រីរបស់លោក មានការភ្ញាក់ផ្អើលជាមួយនឹងឡានក្រុងពណ៌លឿងស្រស់មួយគ្រឿង ។ ដោយហេតុតែលោកធ្លាប់បានលឺ Baby Stormi ធ្លាប់និយាយថានាងចូលចិត្តបើកឡានក្រុង ដូច្នេះមិនបង្អង់យូរបុរសរ៉េបជាឪពុករូបនេះបានធ្វើតាមការចង់បានរបស់កូនភ្លាមៗ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក នៅលើបណ្ដាញសង្គម Instagram សេដ្ឋីនី Kylie Jenner បានបង្ហោះរូបថតរបស់ព្រះនាងតូចរបស់នាងដែលទើបតែមានអាយុ ៣ឆ្នាំ ដែលបង្ហាញពីការចាប់អារម្មណ៍ពេលកំពុងក្រលែកមើលឡានក្រុងដែលចតនៅទីធ្លាផ្ទះ មួយសន្ទុះមក Stormi បង្ហាញអារម្មណ៍រំភើបថែមទាំងរាំយ៉ាងសប្បាយរីករាយផងដែរ៕

ប្រភព៖ ZingNews

សូមទស្សនារូបភាពខាងក្រោម៖

• តារាអន្តរជាតិ