រដ្ឋបាលរាជធានីភំ្នពេញ ចែកអំណោយ ឲ្យលោកតាៗ ធាក់ស៊ីក្លូ ប្រមាណ​៣០០នាក់

ភ្នំពេញ៖ នាពេលថ្មីៗនេះ រដ្ឋបាលរាជធានីភំ្នពេញបានចុះទៅ ចែកអំណោយជូនដល់សមាជិកសកម្មរបស់មូលនិធិត្រីចក្រយានកម្ពុជា ប្រមាណជា៣០០នាក់។

ដោយឡែក នាព្រឹកថ្ងៃព្រហស្បតិ៍ ០៣រោច ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៦ ខែសីហា ឆ្នាំ២០២១នេះ រដ្ឋបាលរាជធានីភំ្នពេញបានរៀបចំចែកអំណោយជូនដល់សមាជិកសកម្មរបស់មូលនិធិត្រីចក្រយានកម្ពុជា ប្រមាណ៣០០នាក់ ក្រោមការយកចិត្តទុកដាក់របស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានកិត្តិយសមូលនិធិត្រីចក្រយានកម្ពុជា និង ឯកឧត្តម ឃួង ស្រេង ប្រធានក្រុមប្រឹក្សាភិបាលមូលនិធិត្រីចក្រយាន្តកម្ពុជា និងជាអភិបាល នៃគណៈអភិបាលរាជធានីភ្នំពេញ ដោយក្នុងម្នាក់ៗទទួលបាន មីចំនួន ០១កេះតូច ម៉ាស់ចំនួន ០២ប្រអប់ (១០០ម៉ាស់) ជែលចំនួន ០២ដបតូច និងផ្លែតាង៉ែន ( មៀនប៉ៃលិន )ចំនួន ២គីឡូក្រាម៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមចូលទស្សនារូបភាពខាងក្រោម៖