មេឃក្ដៅម្លឹងៗ បើខ្សោះជាតិទឹកខ្លាំង ប្រឈមបញ្ហាសុខភាពធ្ងន់ធ្ងរ ៤ យ៉ាង!

ពេលថ្ងៃឡើង ព្រះអាទិត្យបញ្ចេញពន្លឺមកធ្វើឲ្យមេឃក្ដៅហែង គ្នាយើងចេញទៅក្រៅម្ដងៗ ធុញទ្រាន់នឹងបែកញើសពេញខ្លួនតែម្ដង។ ចំណែកខ្លះទៀត ធុញនឹងត្រូវចូលបន្ទប់ទឹកច្រើនលើក ដោយសារញ៉ាំទឹកច្រើន ខ្លាចខ្សោះជាតិទឹកក្នុងរាងកាយព្រោះអាកាសធាតុក្ដៅពេក។ ប៉ុន្តែ បើយើងខ្សោះជាតិទឹកខ្លាំងក្នុងរាងកាយ សុខភាពយើងនឹងប្រឈមបញ្ហាច្រើន។

ពេលខ្លះ បញ្ហាខ្សោះជាតិទឹកកើតឡើងដោយសារហេតុផលសាមញ្ញៗដូចជា អាកាសធាតុក្ដៅខ្លាំង ឬយើងញ៉ាំទឹកមិនគ្រប់គ្រាន់ដោយសារយើងរវល់ពេក ភ្លេចញ៉ាំទឹកក៏ថាបាន។ ក្រៅពីនេះ ខ្សោះជាតិទឹកអាចកើតឡើងបានដោយសាររាករូស ក្អួតខ្លាំង គ្រុនក្ដៅ ឬនោមញឹកញាប់ពេក ហើយបើយើងមិនខ្វាយខ្វល់បំពេញជាតិទឹកក្នុងរាងកាយគ្រប់គ្រាន់ទេ ច្បាស់ជាប្រឈមគ្រោះថ្នាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គណនា BMI នៅទីនេះ

បញ្ហាសុខភាពធ្ងន់ធ្ងរ ៤យ៉ាង បង្កដោយខ្សោះជាតិទឹកខ្លាំង

១. រងប៉ះពាល់ដោយកម្ដៅថ្ងៃ ៖ ប្រសិនបើយើងញ៉ាំទឹកមិនបានគ្រប់គ្រាន់ទេ ហើយយើងហាត់ប្រាណ ឬបែកញើសច្រើននោះ អាចប្រឈមនឹងរងប៉ះពាល់ដោយកម្ដៅថ្ងៃដៅក្នុងរាងកាយ ចាប់ពីរមួលសាច់ដុំ ទៅហត់ ល្ហិតល្ហៃ ឬអាចសន្លប់ដោយកម្ដៅថែមទៀតផង។

២. បញ្ហាផ្លូវទឹកនោម និងតម្រងនោម៖ ការខ្វះជាតិទឹកយូរ ឬម្ដងហើយម្ដងទៀអាចបណ្ដាលឲ្យមានរលាកបំពង់ទឹកនោម កើតក្រួសក្នុងតម្រងនោម និងអាចបណ្ដាលឲ្យខ្សោយតម្រងនោម។

៣. ប្រកាច់៖ អេឡិចត្រូលីតដូចជា ប៉ូតាស្យូម និងសូដ្យូមជួយបញ្ជូនសញ្ញាអគ្គិសនីពីកោសិកាមួយទៅកោសិកាមួយទៀត។ ប្រសិនបើអេឡិចត្រូលីតមិនមានតុល្យភាពសារអេឡិចត្រូនិកធម្មតាអាចលាយបញ្ចូលគ្នាដែលអាចនាំឲ្យមានការកន្ត្រាក់សាច់ដុំដោយឯកឯងហើយពេលខ្លះធ្វើឲ្យយើងបាត់បង់ស្មារតី។

៤. ស្ហុកដោយសារបាត់បង់ជាតិទឹក៖ បើយើងខ្សោះជាតិទឹកខ្លាំងរហូតដល់ដំណាក់កាលនេះ វាអាចគំរាមកំហែងដល់អាយុជីវិតបាន។ វាកើតឡើងនៅពេលដែលបរិមាណជាតិទឹកធ្លាក់ចុះខ្លាំង បណ្ដាលឲ្យសម្ពាធឈាមក៏ធ្លាក់ចុះ ជាហេតុកម្រិតអុកស៊ីសែនក្នុងរាងកាយធ្លាក់ចុះ។

តិចនិកថែសុខភាពពេលអាកាសធាតុក្ដៅ ចៀសវាងខ្សោះជាតិទឹក

ផឹកទឹកឲ្យបានច្រើន ទោះបីជាមិនស្រេកទឹកក៏ដោយ
ចៀសវាងភេសជ្ជៈដែលមានជាតិកាហ្វេអ៊ីន និងអាល់កុល
ផឹកទឹក ឬភេសជ្ជៈត្រជាក់ និងញ៉ាំអាហារត្រជាក់ដូចជា សាឡាត់ និងផ្លែឈើ
ស្លៀកពាក់ខោអាវដែលមានពណ៌ស្រាល ស្ដើងៗ និងរលុង
កុំនៅក្រោមកម្ដៅថ្ងៃយូរពេក និងរកកន្លែងមានម្លប់។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

មេឃក្ដៅម្លឹងៗ បើខ្សោះជាតិទឹកខ្លាំង ប្រឈមបញ្ហាសុខភាពធ្ងន់ធ្ងរ ៤ យ៉ាង!

បញ្ហា​សុខភាព​ធ្ងន់ធ្ងរ ៤យ៉ាង បង្ក​ដោយ​ខ្សោះ​ជាតិ​ទឹក​ខ្លាំង

តិចនិក​ថែ​សុខភាព​ពេល​អាកាសធាតុ​ក្ដៅ ចៀស​វាង​ខ្សោះ​ជាតិ​ទឹក

In Case You Missed It

បញ្ហាសុខភាពធ្ងន់ធ្ងរ ៤យ៉ាង បង្កដោយខ្សោះជាតិទឹកខ្លាំង

តិចនិកថែសុខភាពពេលអាកាសធាតុក្ដៅ ចៀសវាងខ្សោះជាតិទឹក