យប់មិញនេះ សមត្ថកិច្ចឃាត់ខ្លួនមនុស្ស២៤៣នាក់ ឡាន១១គ្រឿង ម៉ូតូ៤៨គ្រឿង និងពិន័យរហូតដល់ទៅ...

រាជធានីភ្នំពេញ: ផ្អែកតាមលទ្ធផលកិច្ចប្រតិបត្តិការអនុវត្តវិធានការច្បាប់ចំពោះបុគ្គលដែលល្មើសនឹងវិធានការសុខាភិបាល និងវិធានការរដ្ឋបាលសម្រាប់ថ្ងៃទី២៦ ខែសីហា ឆ្នាំ២០២១នេះ កាអនុវត្តវិធានការច្បាប់មានចំនួន ១០៦ករណី ដោយក្នុងនោះរួមមាន៖

១.ឃាត់ខ្លួន (អប់រំ និងពិន័យ) ចំនួន ២៤៣នាក់

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

២.ឃាត់យានយន្ត: រថយន្ត ចំនួន ១១គ្រឿង និងម៉ូតូ ចំនួន ៤៨គ្រឿង

៣.ពិន័យជាប្រាក់ ចំនួន ១,០០០,០០០រៀល។

សូមរំលឹកផងដែលថា ការជួបជុំ ឬការប្រមូលផ្តុំមនុស្ស ដើម្បីសេពគ្រឿងស្រវឹងគ្រប់ប្រភេទ ត្រូវបានហាមឃាត់ ។ចំពោះបទមិនគោរពវិធានការដ្ឋបាល (មាត្រា១០នៃច្បាប់កូវីដ១៩):

១/. ត្រូវផ្ដន្ទាទោសជាពិន័យអន្តរការណ៍ ពី១លានរៀល ទៅ ៥លានរៀល។

២/. ត្រូវផ្ដន្ទាទោសដាក់ពន្ធនាគារពី ៦ខែ ទៅ៣ឆ្នាំ និងពិន័យជាប្រាក់ ពី២លានរៀល ទៅ ១០លានរៀល បើបណ្តាលអោយមានការចម្លងជំងឺកូវីដ១៩ ដល់អ្នកដទៃ ។

៣/. ត្រូវផ្ដន្ទាទោសដាក់ពន្ធនាគារពី ២ឆ្នាំ ទៅ៥ឆ្នាំ និងពិន័យជាប្រាក់ពី ៥លានរៀល ទៅ២០លានរៀល កាលបើអំពើខាងលើនេះបណ្តាលអោយប៉ះពាល់ធ្ងន់ធ្ងរដល់សុខភាពសាធារណៈ ។

អាស្រ័យដូចដែលបានជម្រាបជូនខាងលើនេះ សូមបងប្អូនប្រជាពលរដ្ឋទាំងអស់មេត្តាចូលរួមគោរព និងបន្តវិធានការសុវត្ថិភាពដើម្បីកាត់ផ្តាច់ខ្សែចម្លងមេរោគកូវីដ១៩នៅកម្ពុជា៕

• រូបភាព