លើសពីអាណិត! Zheng Shuang ត្រូវពិន័យទឹកប្រាក់ ៤៦លានដុល្លារ

ចិន៖ នៅថ្ងៃទី ២៧ ខែសីហាទីភ្នាក់ងារសារព័ត៌មានចិន Xinhua បានរាយការណ៍ថា បន្ទាប់ពីត្រួតពិនិត្យរបស់ការិយាល័យពន្ធដារសៀងហៃបានប្រកាសថា តារាសម្តែងស្រី Zheng Shuang បានធ្វើសកម្មភាព គេចវេសមិនបានបង់ពន្ធ។

នេះបើយោងតាមការស៊ើបអង្កេត តារាស្រីវ័យ ៣០ឆ្នាំរូបនេះ មិនបានធ្វើតួលេខដោយស្មោះត្រង់ នូវប្រាក់ចំណូលផ្ទាល់ខ្លួនរបស់នាង រហូតដល់ ១៩១ លានយ័ន (ជិត ៣០ លានដុល្លារ) ដោយនាយកដ្ឋានពន្ធដារសៀងហៃបានកំណត់ថានៅឆ្នាំ ២០១៩ និង ២០២០ ចំនួនប្រាក់ដែលនាងគេចវេស និងមិនបានបង់ពន្ធ មានចំនួនជាង ៧១.៧ លានយ័ន (ប្រហែល ១១ លានដុល្លារអាមេរិក) ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលកាន់តែធ្ងន់ធ្ងរជាងនេះ អធិការដ្ឋានការិយាល័យពន្ធដារសៀងហៃ បានស្នើសុំឱ្យតារាស្រីរូបនេះបង់ប្រាក់ចំនួន ២៩៩ លានយ័ន (ច្រើនជាង ៤៦ លានដុល្លារ) រួមទាំងការបង់ពន្ធ គួបផ្សំនឹងការផាកពិន័យ។ ប្រសិនបើក្នុងរយៈពេលកំណត់ដែលបានកំណត់ Zheng Shuang មិនសងចំនួនខាងលើទេ នាងនឹងត្រូវកាត់ទោសព្រហ្មទណ្ឌភ្លាមៗ។

លើសពីនេះ នាយកដ្ឋានពន្ធដារជាតិ បាននិយាយថាខ្លួននឹងចាត់ចែងយ៉ាងតឹងរ៉ឹង ចំពោះករណីរបស់តារាស្រីរូបនេះ ដែលដឹងច្បាប់ ប៉ុន្តែនៅតែបំពានច្បាប់ដោយចេតនា។ លើសពីនេះពួកគេបាននិយាយថាពួកគេនឹងបើកការស៊ើបអង្កេតដ៏ទូលំទូលាយមួយចំពោះបញ្ហាពន្ធនៅក្នុងឧស្សាហកម្មកម្សាន្តមួយនេះទៀតផង៕

ប្រភព៖ Xinhua

សូមទស្សនារូបភាពខាងក្រោម៖

• តារាចិន