ធ្លាប់គេជេររឿងធ្វើម៉ូតសក់សេះមិនសមមុខ Jennie អត់ខ្វល់ នៅលេងម៉ូតនោះដដែល ស្អាតជាងអ្នករិះគន់ឆ្ងាយ

កូរ៉េខាងត្បូង៖ ជាការពិត តារាចម្រៀង Jennie គឺជាសមាជិកស្រីស្អាតម្នាក់ប្រចាំក្រុមចម្រៀងដ៏មានឥទ្ធិពល BLACKPINK។ ហើយនាងក៏ត្រូវបានហ្វេនៗទូទាំងសកលលោកពោលសរសើរ អំពីសម្រស់ដ៏ស្រស់ស្អាត លេចធ្លោររបស់នាងជាហូរហែ មិនថានាងតុបតែងខ្លួនក្នុងស្លៀកពាក់បែបអ្វីក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះ កាលពីជាច្រើនឆ្នាំមុន Jennie ក៏ត្រូវបាន Hater មួយចំនួនលួចរិះគន់ និងជេរនាងយ៉ាងចាស់ដៃផងដែរ នៅពេលនាងព្យាយាមលេងម៉ូតសក់សេះទម្លាក់បាំងថ្ងាសរបស់នាង ព្រោះពួកគេយល់ថា ពេល Jennie ធ្វើម៉ូតសក់មួយនេះ វាពិតជាមិនសមនឹងទម្រង់មុខ Jennie ទេ ហើយមើលទៅវាហាក់បីដូចជាស្រែៗតែម្ដង។

យ៉ាងណាមិញ ទោះបីជាមានមតិមិនល្អទាំងនោះពិតមែន ប៉ុន្តែ Jennie មិនខ្ចីចាប់អារម្មណ៍នោះឡើយ ព្រោះនាងជឿជាក់លើខ្លួនឯងជានិច្ច។ ហើយជារឿយៗ តារាស្រីរូបនេះ នៅតែធ្វើម៉ូតសក់នេះដដែលៗ ជាមួយការបង្ហាញខ្លួនក្នុងការងារសិល្បៈរបស់នាងជាញឹកញាប់ មើលទៅនាងពិតជាស្រស់ស្អាតខ្លាំង មិនមែនមិនសមដូចពាក្យគេរិះគន់នោះឡើយ៕

សូមទស្សនារូបភាពខាងក្រោម៖

ប្រភព៖ Zing News

• រូបភាព
• តារាកូរ៉េ