នៅចាំគាត់អត់? តារាសម្តែង កែវ ពេជ្រពិសី ពេលនេះ មានផ្ទៃពោះជិតគ្រប់ខែទៅហើយ អបអរផង

រាជធានី​ភ្នំពេញ៖ ពុកម៉ែបងប្អូនប្រាកដជាស្គាល់​ និង នៅចាំបាន តារា​សម្តែងស្រីស្រស់សោភា កែវ ពេជ្រ​ពិសី ដែល​បាន​ភ្ជាប់ពាក្យ​ជាមួយ​បុរសអនិកជនខ្មែរកាណាដា ពេល​នេះ អ្នកនាងមាន​ផ្ទៃពោះ​ចូល​៨​ខែ​ជាងហើយ​។ នេះជាការសម្រាលកូនលើកដំបូងរបស់នាង ហើយនេះក៏ជាដំណឹងដ៏រីករាយសម្រាប់គ្រួសារទាំងសងខាងផងដែរ។

តាមប្រភពមួយត្រូវ​បាន​គេ​ទម្លាយ​អោយ​ដឹង​ថា ដំបូងឡើយ អ្នកនាង កែវ ពេជ្រ​ពិសី បាន​រៀប​គម្រោង​រៀប​ការ​តាំងពី​អំឡុង​ខែឧសភា ឆ្នាំ​២០២០​មក​ម្ល៉េះ​។ ប៉ុន្តែត្រូវផ្អាកទៅវិញ ដោយសារតែបញ្ហានៃជំងឺកូវីដ១៩។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចំពោះគម្រោង​រៀប​អាពាហ៍ពិពាហ៍​នោះ បាន​រំសាយ ហើយ អ្នកនាង កែវ ពេជ្រ​ពិសី ក៏​ខាត​ប្រាក់​កក់មិនតិចផងទេ ក្នុង​ការ​ចាត់ចែង​។ ទោះបីជាយ៉ាង អ្នកនាង កែវ ពេជ្រ​ពិសី នឹង​រៀបចំ​ធ្វើ​ពិធី​រៀប​ការ​អោយ​បាន​នៅ​ពេល​កូន​ធំធាត់ ដើម្បី​រឹត​ចំណងដៃ​ស្នេហា​។

អ្វីដែលសំខាន់នោះ កែវ ពេជ្រ​ពិសី ដែល​សម្រេចចិត្ត​យក​កូន​នេះ ព្រោះនាង​យល់​ថា  ខ្លួនវ័យកាន់តែចាស់​ទុំ​ហើយ ។ ចំណែកការភ្ជាប់ពាក្យរបស់ក៏រួចរាល់ តាមច្បាប់ប្រពៃណីខ្មែរ ហើយក៏មានសាច់ញាតិសងខាង និងមហាជនបានដឹងលឺហើយដែរ ប្រសើរជាងមានកូន ហើយមិនមានអ្នកណាដឹងនោះ។

ដោយឡែក ក្នុងកំឡុងពពោះពេលនេះ តារាសម្តែងស្រី កែវ ពេជ្រពិសី កំពុងមើលថែខ្លួន ព្រោះជាដំណក់ឈាមដែលរំលេចចេញពីស្នេហាពិតប្រាកដ។ តារាសម្តែងស្រីរូបនេះ កាន់តែមានក្តីសុខលែងឯកា ក្រោយ​ពេល​ជួប​ស្នេហា​លើក​ទី​២ ប៉ះ​ចំ​មនុស្ស​ដែល​ស្រឡាញ់​យើង និង​យល់ចិត្ត​គ្រប់យ៉ាង​។

សូមរំលឹកផងដែរថា អ្នកនាង កែវ ពេជ្រ​ពិសី បាន​ភ្ជាប់ពាក្យ​ជាមួយ​អាណិកជន​ខ្មែរ​មក​ពី​កា​ណា​ដា ឈ្មោះ លោក ពៅ សម្បត្តិ បានជិត​១​ឆ្នាំ​កន្លះ ហើយពេល​នេះ​ នាង​ទទួល​បាន​កាដូ​ពិសេស​ក្នុង​ជីវិត​ដែល​ពុំអាច​កាត់ថ្លៃ​បាន​នោះ គឺ​កូនប្រុស​ដែល ​នាង​គ្រោង​នឹង​សម្រាល​នៅ​ចុងខែ​កញ្ញា ឆ្នាំ​២០២១ ខាង​មុខ​នេះ​ហើយ​។

ក្នុងកំឡុងពេលមានផ្ទៃពោះនេះ ពេជ្រ​ពិសី បានបញ្ជាក់ឱ្យដឹងថា នាង​ធ្លាប់បានទៅ​ពិនិត្យ​សុខភាព​ជា​ញឹកញាប់​នៅ​មន្ទី​ពេទ្យ​មួយ​ដែល​មានគុណ​ភាព​មិន​ចាញ់​ពេទ្យ​ថៃ​ទេ ហើយ​នាង​មិន​បារម្ភ​ការ​ឆ្លងទន្លេ​កូន​ទី​១​នេះ​ដែរ បើ​ទោះបីជា​ត្រូវ​សម្រាល​ដោយ​វះកាត់​ក្ដី​៕