រាជធានីភ្នំពេញ៖ ពុកម៉ែបងប្អូនប្រាកដជាស្គាល់យ៉ាងច្បាស់ តារាចម្រៀងសម្លេងក្រអួនក្រអៅឆក់យកបេះដូងមិត្តយុវវ័យ ប៊ុន សក្តិ ដែលឃ្លាតឆ្ងាយបាត់មុខពីវិស័យសិល្បៈជាយូរឆ្នាំ គិតពីឆ្នាំ២០១៦មក មហាជនមិនដែលឃើញវត្តមានលោក ប៊ុន សក្តិ នៅលើកញ្ចក់ទូរទស្សន៍ ឬ ប្រព័ន្ធផ្សព្វផ្សាយសង្គមណាមួយឡើយ។ ក្នុងនោះ បទចម្រៀងមួយបទ ដែលធ្វើឱ្យមហាជន ស្គាល់លោកយ៉ាងច្បាស់នោះ បទ ទឹកភ្នែកស្រែ។ បើតាមប្រភពព័ត៍មានខ្លះ អវត្តមានរបស់តារាចម្រៀងរូបនេះ ពីវិថីសិល្បៈ មកពីគ្មានបទចម្រៀងចេញថ្មីនៅលើទីផ្សារ។
ជាមួយគ្នានេះ មានមហាជនជាច្រើន ក៏ធ្លាប់ និងកំពុងឆ្ងល់ផងដែរថា តារារូបនេះកំពុងនៅឯណា ប្រកបការងារអ្វី នាពេលនេះ។តាមប្រភពព័ត៍មាន ចាប់តាំងពីរៀបការប្រពន្ធនៅឆ្នាំ២០១៦ មក លោក ប៊ុន សក្តិ បានរសាត់អណ្តែតចាកឆ្ងាយពីវិថីសិល្បៈបាត់មុខឈឹងតែម្តង សូម្បីតែមានកម្មវិធីជួបជុំអ្នកសិល្បៈរួមអាជីព ក៏ពុំឃើញមានវត្តមានរបស់លោកផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសូមជម្រាបថា មកទល់ពេលនេះ តារាចម្រៀងម្ចាស់ ទឹកភ្នែកអ្នកស្រែ ប៊ុន សក្តិ កំពុងរស់នៅយ៉ាងមានក្តីសុខជាមួយភរិយា និងគ្រួសារ តាមរយៈការបង្ហោះជាញឹកញាប់ នៅលើហ្វេសប៊ុករបស់លោកផ្ទាល់។ ជាមួយគ្នានេះ តាមគេដឹង តារាចម្រៀងរូបនេះ គឺជាមន្ត្រីរាជការ ដោយរូបលោកគឺជាកងអង្គរក្ស មានឋានន្តរស័ក្តិថ្នាក់អនុសេនីយ៍ឯក (សក្តិ៣) នៅបញ្ជាការដ្ឋានកងអង្គរក្សសម្តេចអគ្គមហាសេនាបតីតេជោ ហ៊ុន សែន និងសម្តេចកតិព្រឹទ្ធបណ្ឌិត ប៊ុន រ៉ានី ហ៊ុន សែន។
គួររំលឹកថា តាំងពី៣ ទៅ៤ ឆ្នាំមុន តាមគេដឹង ទោះលោកជាមន្រ្តីរាជការក៏ដោយ ក៏លោកនៅផលិតបទចម្រៀងជូនដល់អ្នកគាំទ្រ មិនបោះបង់វិស័យសិល្បៈនោះទេ តែពេលនេះ គួរឱ្យសោកស្តាយ គេពុំដែលឃើញវត្តមានលោក ប៊ុន សក្តិ ឡើងឆាកតន្រ្តី ឬ ផលិតបទចម្រៀងថ្មីអ្វីសោះឡើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
