មិនបង្ហាញមុខភរិយា តែ យុន ឫទ្ធិយ៉ាន មានកូនស្រីធំអន្ធឹក សំងំរស់នៅយ៉ាងមានក្តីសុខ

រាជធានីភ្នំពេញ ៖ ជឿជាក់ថា បងប្អូនខ្មែរប្រាកដជា ចាំបាន តារាសម្តែងប្រុសជើងចាស់ យុន ឫទ្ធិយ៉ាន រូបនេះមិនភ្លេចឡើយ ដែលកន្លងមក រូបលោក ធ្លាប់បានបង្ហាញក្នុងរឿងភាគល្បីៗជាច្រើនរបស់កម្ពុជា ជាក់ស្តែង ក្នុងរឿង«រំដួលអង្គរ» និងរឿង«ទូរស័ព្ទផ្តាច់ព្រលឹង» ដែលរូបលោក ជាតួឯកប្រុស។

ពិតមែនហើយ ប៉ុន្មានឆ្នាំចុងក្រោយនេះ រូបលោក ហាក់ដូចជាស្ងប់ស្ងាត់ ពីការងារសិល្បៈណាស់ ដោយកម្រឃើញ រូបលោក បញ្ចេញវត្តមានក្នុងរឿងភាគខ្មែរ ដូចជំនាន់មុន លើសពីនេះទៅទៀត បណ្តាអ្នកគាំទ្រ សង្ស័យថា រូបលោក រវល់មើលថែកូនស្រី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ បើយោងតាម​គណនីហ្វេសប៊ុក ផ្ទាល់ខ្លួនរបស់រូបលោកនោះ តារាប្រុសរូបនេះ ហាក់មិនទម្លាយមុខមាត់អ្នកម៉ាក់របស់កូនស្រីឡើយ តែក៏ត្រូវជំនួស ដោយរូបភាពស្និទស្នាល និងផ្អែមល្អែម ជាមួយកូនស្រី ដែលធ្វើឲ្យ មហាជន ផ្ទុះការកោតសរសើររូបលោក ជាបុរសមែន តែមើលទៅ ពូកែមើលថែកូនស្រីណាស់ ដោយមើលកូនស្រីទាំងពីរ សុទ្ធតែស្រស់ស្អាត គួរឲ្យស្រលាញ់តែម្តង។ 

គួរបញ្ជាក់ផងដែរថា រូបលោក ថ្មីៗនេះ ក៏កំពុងតែ ទទួលការងារសម្តែងថ្មីផងដែរ ដោយដើរតួជាឪពុក ក្នុងរឿងភាគខ្មែរល្បីឈ្មោះ «នគរមាស» ផងដែរ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• គ្រួសារ
• ការងារ
• ជីវិត
• រូបភាព
• តារាខ្មែរ