មិននឹកស្មានថា ពេលស្រវឹង ស្វាមី ចៀវៃ កាន់តែបង្ហាញក្ដីស្រលាញ់យ៉ាងខ្លាំងចំពោះនាង

តៃវ៉ាន់៖ មកទល់នឹងពេលនេះ ជីវិតអាពាហ៍ពិពាហ៍រវាង តារាស្រី Ruby Lin និង ស្វាមីនាង លោក Wallace Huo មានរយៈពេល ៥ ឆ្នាំទៅហើយ ព្រមទាំងមានកូនស្រីតូចម្នាក់ដែលធ្វើឲ្យក្រុមគ្រួសាររបស់អ្នកទាំងពីរកាន់តែមានភាពកក់ក្តៅ បើទោះបីជា ប្ដីប្រពន្ធមួយគូនេះបានប្រឈមមុខនឹងពាក្យចចាមអារ៉ាមរាប់មិនអស់នៅលើបណ្តាញសង្គម។

ដោយឡែក កាលពីថ្មីៗនេះ យោងតាមគេហទំព័រដ៏ល្បីមួយ ស្រាប់តែបានបង្ហាញពីព័ត៌មានដ៏លម្អិតនៅក្នុងជីវិតរបស់តារាប្រុសស្រីមួយគូនេះ ដែលបានបង្ហើបថា នៅក្នុងពេលមួយដែលបានរួមដំណើរជាមួយនឹងភរិយាបណ្ដូលចិត្តទៅពិធីជប់លៀងមួយ ហើយនៅពេលនោះ លោក Wallace Huo បានស្រវឹងស្រាខ្លាំង បន្ទាប់មក ជំនួយការរបស់ Ruby Lin បានព្យាយាមនាំតារាសម្តែងប្រុសរូបនេះចូលនៅក្នុងឡាន ប៉ុន្តែលោកមិនព្រមចូលនោះទេ ផ្ទុយទៅវិញ លោកនៅតែហៅឈ្មោះប្រពន្ធរបស់ខ្លួន ដោយរង់ចាំរហូតដល់ តារាស្រី Ruby Lin  ឡើងឡានដើម្បីអង្គុយជាមួយគ្នាដោយសុវត្ថិភាព។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈព័ត៌មានលម្អិតនេះ ខាងគេហទំព័រដដែលនេះ ក៏បានរៀបរាប់ទៀតថា លោក Wallace Huo ពិតជាស្រឡាញ់និងព្រួយបារម្ភយ៉ាងខ្លាំងចំពោះភរិយារបស់ខ្លួន បើថ្វីត្បិតតែជាមនុស្សដែលមិនសូវចូលចិត្តបង្ហាញអារម្មណ៍ឆើតឆាយ ដូចគូស្វាមីភរិយាដទៃទៀតក៏ដោយ ហើយសេចក្តីស្រឡាញ់របស់ លោក Wallace Huo ដែលមានចំពោះភរិយា នាង Ruby Lin តែងតែត្រូវបានបង្ហាញនៅក្នុងរឿងតូចតាច បើសូម្បីតែពេលស្រវឹងក៏តារាប្រុសរូបនេះ នៅតែព្រួយបារម្ភពីសុវត្ថិភាពចំពោះប្រពន្ធរបស់លោក ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន