លោកស្រី ទ្រី ដាណា ទម្លាយថា ធាតុពិតពូម៉ៅ ប្រេី​ ហឹង្សាទៀត

រាជធានីភ្នំពេញ៖ ពុកម៉ែបងប្អូនមហាជនជាច្រើន បានជ្រាបរួចមកហើយរឿងរ៉ាវក្តីក្តាំង បាញ់ទឹកចោទគ្នាទៅវិញមករវាង លោកស្រី ថៅកែមាសចិត្តធម៍ ទ្រី ដាណា និង ស្វាមីរបស់លោកស្រី ពូម៉ៅ។

កន្លងមកថ្មីនេះ ពូម៉ៅ ធ្លាប់បានអះអាងថា លោកស្រី ទ្រី ដាណា ឱ្យតម្លៃរូបលោកជាស្វាមី មិនស្មើនឹងជំនួយការរបស់លោកស្រីនោះទេ បើទោះបីជាលោកធ្លាប់បានតស៊ូជម្នះប្រកបរបររកស៊ីជាមួយគ្នារហូតមានបានដល់សព្វថ្ងៃនេះ។ តែចុងក្រោយ លោកស្រី ទ្រី ដាណា ពោលពាក្យថា លោកស្រី កាន់តែសប្បាយចិត្ត ហើយជប់លៀងឱ្យល្បីពេញប្រទេស ប្រសិនបើលះលែងជាមួយស្វាមី ពូម៉ៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក នៅថ្ងៃទី០៩ ខែកញ្ញា ឆ្នាំ២០២១នេះ លោកស្រី ទ្រី ដាណា បានបើកកកាយទម្លាយរឿងរ៉ាវមួយឡើងខ្ទេចខ្ទី ទាំងរឿងដែលគ្រួសារខាងពូម៉ៅ មើលងាយមើលថោកចំពោះលោកស្រី។

មិនតែប៉ុណ្ណោះ នៅថ្ងៃនេះ លោកស្រី ទ្រី ដាណា ហែកកកាយរឿងផ្ទៃក្នុងរបស់លោកស្រី ដោយគ្មានលាក់លៀមមួយម៉ាត់នោះទេ ដោយលោកស្រី បានបញ្ជាក់ថា បញ្ហាចម្បងនាំមានជម្លោះក្នុងគ្រួសារនេះ មកពីបញ្ហាខាងសាច់ថ្លៃខាងពូម៉ៅ មិនដែលគិតគូរជួយគ្រួសារខាងស្វាមីនោះទេ។

ទន្ទឹមនោះ លោកស្រី បានទម្លាយប្រាប់មហាជនដែលកំពុងទស្សនានូវការឡាយរបស់លោកស្រី រាប់ម៉ឺននាក់ថា លោក ហ៊ីង បញ្ញារិទ្ធ ហៅពូម៉ៅ ជាស្វាមីនេះ ធ្លាប់បានប្រើអំពើហិង្សាវាយលោកស្រី ជាច្រើនដង ក្រោយមក លើកចុងក្រោយ គឺពូម៉ៅ​ បានវាយលោកស្រី នៅខេត្តសៀមរាប ហើយថែមទាំងមានវីដេអូជាភស្តុតាងផងដែរ។

តែយ៉ាងណា លោកស្រី ទ្រី ដាណា បញ្ជាក់នៅលើបណ្តាញសង្គមហ្វេសប៊ុកនៅថ្ងៃនេះ ថា លោកស្រី ឆ្អែតចិត្ត និងសុំកុំឱ្យជួបស្វាមីប្រភេទហ្នឹង និងស្បថឈប់ប្រាថ្នាចង់បានស្វាមីជារៀងរហូត។

អ្វីដែលសំខាន់នោះ លោកស្រី ទ្រី ដាណា ផ្ញើសារចុងក្រោយប្រាប់ឱ្យពូម៉ៅ បញ្ចប់រឿងក្តីក្តាំងទាំងនេះ ត្រឹមប៉ុណ្ណឹងចុះ បើមិនដូច្នេះទេ លោកស្រី នឹងបញ្ចេញភស្តុតាងតែម្តង៕