បងប្អូនចង់បានមៀន! កុំភ្លេចថ្ងៃស្អែកនេះ ខេមរៈ សិរីមន្ត ប្រកាសចែកជូន ហ្វ្រីឥតគិតថ្លៃ

រាជធានីភ្នំពេញ៖ នៅថ្ងៃទី១០ ខែកញ្ញា ឆ្នាំ២០២១ ប៉ុន្មានម៉ោងមុននេះ តារាចម្រៀងល្បីឈ្មោះ ខេមរៈ សិរីមន្ត ប្រកាសចែកជូនផ្លែមៀន ហ្វ្រីឥតគិតថ្លៃ ជូនដល់បងប្អូន ដែលចង់បានមៀន។

ក្នុងនោះ កំពូលតារាចម្រៀងរូបនេះ បញ្ជាក់ថា លោកបានបញ្ជាទិញមៀនប៉ៃលិន ពីផ្សារកសិផលធម្មជាតិរបស់ អ្នកឧកញ៉ា ឡេង ណាវ៉ាត្រា បានមកដល់ផ្ទះរបស់លោកហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោកខេមរៈ​ សិរីមន្ត បានបន្តថា ពេលនេះ លោកត្រៀមចែកចាយ មៀនប៉ៃលិន នេះតាមមណ្ឌល និងស្អែកម៉ោង ៩ ព្រឹក បងប្អូន អាចមកទទួលយកមៀន ក្នុងម្នាក់ ៥គីឡូ ដោយឥតគិតថ្លៃ នៅឯផ្ទះរបស់លោកផ្ទាល់តែម្តង។

ក្នុងនោះ លោកបន្ថែម លោកសុំអធ្យាស្រ័យ និងសោកស្តាយ ប្រសិនបើមៀនដែលលោក ត្រៀមចែកជូនបងប្អូននោះ មិនបានទទួលគ្រប់គ្នា៕

សូមរំលឹកផងដែរថា កំពូលតារាចម្រៀងប្រចាំផលិតកម្មហង្សមាសរូបនេះ កន្លងមក បានប្រកាសទិញផ្លែមៀន ចំនួន ៥តោន ពីផ្សារកសិផលធម្មជាតិ អ្នកឧកញ៉ា ឡេង ណាវ៉ាត្រា ដើម្បីចែកជូនបងប្អូនហ្វ្រីៗឥតគិតថ្លៃ៕