ស្ទាយ៍សាមញ្ញសោះ តែ Zhao Liying បង្អួតសម្រស់ចាយរាងតូចច្រឡឹង

ចិន៖ កាលពីថ្មីៗនេះ តារាសម្ដែងស្រី Zhao Liying បានចូលរួមជាភ្ញៀវកិត្តិយស នៅក្នុងកម្មវិធី Chineses Restaurant ដែលមានអ្នកគាំទ្រជាច្រើនទន្ទឹងរង់ចាំទស្សនា ចង់ឃើញពីវត្តមានរបស់តារាស្រីរូបនេះ ផងដែរ។

យ៉ាងណាមិញ អាចនិយាយបានថា នេះគឺជាកម្មវិធីទូរទស្សន៍ដ៏កម្រមួយ ដែលតារាសម្តែងស្រីរូបនេះ បានចូលរួមបន្ទាប់ពីប្រកាសលែងលះជាមួយនឹងអតីតស្វាមី ព្រមទាំងមានការតុបតែងខ្លួន ហាក់ខុសប្លែកពីលើកមុនៗ​ជាមួយនឹងភាពស្រស់ស្អាត ដូចនារីវ័យ ២០ ឆ្នាំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈនេះដែរ ខាងស្ទូឌីយោរបស់នាង ក៏បានបញ្ចេញរូបថតមួយចំនួន ដែលធ្វើឲ្យមើលឃើញពីសម្រស់របស់ Zhao Liying នៅក្នុងការតែងខ្លួនបែបសាមញ្ញធម្មតា ប៉ុន្តែក៏បានបង្ហាញពីភាពស្រស់ស្អាតគួរឱ្យស្រឡាញ់ ជាមួយនឹងការបញ្ចេញរូបរាងតូចច្រឡឹង និងសម្រស់ដ៏ក្មេងជាងវ័យ ដែលកំពុងតែទទួលបានការសរសើររាប់មិនអស់ និងធ្វើឲ្យអ្នកទស្សនាជាច្រើនស្ទើរតែមិនជឿថា នាងមានវ័យជាង ៣០ ឆ្នាំ ព្រមទាំងមានកូនមួយរួចទៅហើយ៕ 

ប្រភព៖ Kenh14

សូមទស្សនារូបភាពខាងក្រោម៖

• តារាចិន