កត្តា៤យ៉ាង អាចបង្អាក់ភាពមានកូនរបស់ស្រីៗ!

កត្តាជាក់លាក់មួយចំនួនអាចជះឥទ្ធិពលយ៉ាងធំធេងដល់ការមានកូនរបស់ស្រីៗយើង។ ពិតណាស់ យើងតែងតែចង់បង្កើតគ្រួសារដ៏កក់ក្ដៅមួយ និងមានកូនតូចៗដ៏គួរឲ្យស្រលាញ់។ ដូចនេះ ការយល់ដឹងអំពីកត្តាផ្សេងៗដែលបង្អាក់សមត្ថភាពក្នុងការមានកូន ជារឿងសំខាន់បំផុតដែលគ្នាយើងមិនអាចធ្វេសប្រហែសបានឡើយ។

កត្តាទាំង៤ បង្អាក់សមត្ថភាពក្នុងការមានកូន ស្រីៗគួរប្រយ័ត្ន៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ហាត់ប្រាណច្រើនជ្រុល

ខណៈពេលដែលលំហាត់ប្រាណអាចបង្កើនឱកាសមានកូន ជាពិសេសសម្រាប់ស្រីៗដែលធាត់ជ្រុល ការហាត់ប្រាណហួសប្រមាណ ក៏អាចប៉ះពាល់ដល់សមត្ថភាពមានកូនដូចគ្នា។ ពិតណាស់ ការហាត់ប្រាណច្រើនជ្រុលអាចប៉ះពាល់ដល់កម្រិតអ័រម៉ូន និងវដ្ដរដូវ ដែលបណ្ដាលឲ្យកម្រិតអ័រម៉ូនProgesterone ធ្លាក់ចុះ ជាហេតុបង្អាក់ស៊ុតមិនឲ្យបង្កកំណើត។ ហេតុនេះហើយ ស្រីៗយើងគប្បីហាត់ប្រាណក្នុងកម្រិតមួយសមស្រប ទើបជាការប្រសើរ។

គណនាថ្ងៃមេជីវិតញីទុំធ្លាក់ នៅទីនេះ

២. កម្រិតស្រ្តេសខ្ពស់

ជាមួយគ្នានេះដែរ ភាពតានតឹងផ្លូវចិត្ត និងការថប់បារម្ភក៏ជះឥទ្ធិពលលើឱកាសមានផ្ទៃពោះផងដែរ។ ជាក់ស្ដែង កម្រិតអ័រម៉ូនCortisol និងAdrenalineខ្ពស់ អាចប៉ះពាល់ដល់មុខងាររាងកាយរបស់យើង ហើយវាថែមទាំងធ្វើឲ្យជំងឺរ៉ាំរ៉ៃរបស់យើងកាន់តែយ៉ាប់យ៉ឺនទៅៗ ក៏ដូចជាបង្កើនហានិភ័យនៃជំងឺថ្មីៗ ដូចជាធាត់ជ្រុល និងមុខងារមេតាប៉ូលីសមិនប្រក្រតី។ ការធ្វើសមាធិ និងវិធីសាស្ត្រកាត់បន្ថយស្រ្តេស អាចជួយកម្ចាត់ផលប៉ះពាល់នៃស្រ្តេសចំពោះរាងកាយយើងបានយ៉ាងមានប្រសិទ្ធភាព។

៣. កត្តាអាយុ

គុណភាពរបស់ស៊ុតនឹងអន់ថយនៅពេលដែលស្រីៗយើងមានវ័យកាន់តែច្រើនទៅៗ។ នៅក្នុងវ័យ២០ឆ្នាំ យើងមានឱកាសមានផ្ទៃពោះប្រហែល២៥%ទៅ៣០%ជារៀងរាល់ខែ ហើយវានឹងថយចុះត្រឹម៥%នៅពេលដែលយើងមានវ័យ៤០ឆ្នាំ។

៤. ទម្ងន់មិនសមស្រប

យោងតាមសមាគមអាមេរិកសម្រាប់វេជ្ជសាស្ត្របន្តពូជបានបង្ហាញថា ទាំងការលើសទម្ងន់ និងមិនគ្រប់ទម្ងន់ សុទ្ធតែជាមូលហេតុចម្បងដែលធ្វើឲ្យយើងអសកម្មភាពក្នុងការមានកូន។ កត្តាទម្ងន់មិនសមស្របអាចនាំមានបញ្ហាអ័រម៉ូន ដែលនាំឲ្យរដូវមិនទៀងទាត់ និងបង្កើនហានិភ័យនៃការរលូតកូន។ ប៉ុន្តែមូលហេតុមួយនេះអាចដោះស្រាយបាន ប្រសិនបើស្រីៗយើងមានទម្ងន់សមស្របឡើងវិញ។

តិចនិកបង្កើនលទ្ធភាពនៃការមានកូន

ហាត់យូហ្គា
ញ៉ាំអាហារល្អៗដូចជាត្រីសាល់ម៉ុន ទំពាំងបារាំង ផ្លែបឺរ ផ្លែប៊ឺរី ឬគ្រាប់ផ្កាឈូករ័ត្នជាដើម
បញ្ចូលវីតាមីនទៅក្នុងរបបអាហារ ដូចជាអាស៊ីតហ្វូឡេត ស័ង្កសី អាស៊ីដខ្លាញ់អូមេហ្គា៣ និងជាតិដែក
កាត់បន្ថយការញ៉ាំកាហ្វេ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

កត្តា​​៤​យ៉ាង អាច​​បង្អាក់​ភាពមាន​កូន​របស់​​​ស្រី​ៗ!

១. ហាត់​ប្រាណ​ច្រើន​ជ្រុល​

២. កម្រិត​ស្រ្តេស​ខ្ពស់​

៣. កត្តា​អាយុ​

​​​៤. ទម្ងន់​មិន​​សម​ស្រប

តិចនិក​​បង្កើន​​លទ្ធភាព​នៃ​ការ​មាន​កូន​

In Case You Missed It