ទំនាក់ទំនងល្អសោះ Dilraba បែរជាត្រូវគេថាមិនគោរពសិស្សច្បងដោយសាររឿងមួយនេះ

ចិន៖ ថ្មីៗនេះ នៅថ្ងៃខួបកំណើត ៣៥ ឆ្នាំរបស់ តារាស្រី Yang Mi កាលពីថ្ងៃទី ១២ ខែកញ្ញាកន្លងទៅនេះ មានសិល្បករជាច្រើនបានធ្វើការបង្ហោះសារជូនពរដល់នាង ខណៈដែលនៅលើ Weibo តារាស្រីរូបនេះ ក៏បានបង្ហាញរូបភាពជាមួយនំខេក និងប្រអប់កាដូដែលផ្ញើដោយអ្នកគាំទ្រ ផងដែរ។

ដោយឡែក នៅក្នុងចំណោមបណ្ដាសិល្បករជាច្រើន តារាស្រី Dilraba ក៏ជាតួអង្គមួយ ដែលត្រូវបានអ្នកលេងបណ្ដាញសង្គមជាច្រើនយកចិត្តទុកដាក់ នៅក្នុងពេលប្រារព្ធខួបកំណើតរបស់ Yang Mi។ មិនត្រឹមតែប៉ុណ្ណោះ Dilraba ក៏បានបង្ហោះរូបថត ២ សន្លឹករបស់ខ្លួន អមជាមួយនឹងសារជូនពរទៅកាន់ Yang Mi ដោយបានរៀបរាប់៖ វាជាថ្ងៃខួបកំណើតដ៏ស្រស់ស្អាតមួយទៀត សូមជូនពរឱ្យ Yang Mi មានសម្រស់កាន់តែស្រស់ស្អាត

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែទោះបីជាសារមួយនេះ បានបង្ហាញពីទំនាក់ទំនងដ៏ល្អនៅក្នុងមិត្តភាពរបស់តារាស្រី ២ ដួងនេះក្ដី ប៉ុន្តែនៅផ្នែកមតិយោបល់ នៃការបង្ហោះសាររបស់ Dilraba បែរជាមានភាពចម្រូងចម្រាសយ៉ាងខ្លាំង ដោយអ្នកគាំទ្ររបស់នាង បែរជាធ្វើការអបអរសាទរទៅចំពោះនាង ដែលត្រូវបានគេតែងតាំងសម្រាប់ពានរង្វាន់តារាសម្តែងស្រីឆ្នើមនៅមហោស្រពភាពយន្តអន្តរជាតិសេអ៊ូល ដោយមិននិយាយពីថ្ងៃកំណើតរបស់ Yang Mi ទៅវិញ។ 

ជាពិសេស សកម្មភាពខាងលើដែលបានជួបប្រទះនូវភាពចម្រូងចម្រាសនេះ បានធ្វើឲ្យមនុស្សជាច្រើនគិតថា អ្នកគាំទ្ររបស់ Dilraba បានចាប់ផ្តើមធ្វើសង្រ្គាមជាមួយ Yang Mi ព្រមទាំងធ្វើមានការបញ្ចេញមតិយោបល់ជាច្រើនបានចោទប្រកាន់ទៅអ្នកគាំទ្ររបស់តារាស្រីរូបនេះ ថាជាមនុស្សអាត្មានិយមនៅពេលបង្ហោះសាររីករាយថ្ងៃខួបកំណើត៕

ប្រភព៖ Kenh14

សូមទស្សនារូបភាពខាងក្រោម៖

• តារាចិន