តាមរូប Yoona ទាំងនេះ Haters ទើសរឿងសក់ស្ដើងចេញស្បែកក្បាលច្បាស់ៗ

កូរ៉េខាងត្បូង៖ ថ្មីៗនេះ Yoona តារាចម្រៀងអតីតក្រុម Girl's Generation ទើបតែបានបញ្ចេញរូបថតថ្មីមួយ នៅពេលបានចូលរួមនៅក្នុងកម្មវិធី Winning Recipe របស់សមាជិករួមក្រុម Yuri ហើយក្នុងរូបមួយនោះ ក៏បង្ហាញសម្រស់ដ៏ស្រស់ស្រាយរបស់ពួកគេ រួមស្នាមញញឹមយ៉ាងរីករាយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ ប្រសិនបើយើងក្រឡេកមើលរូបថតមួយនោះឲ្យមែនទែនទៅ ឃើញថានៅពេល Yoona បានចងសក់លើកបួងទៅលើអស់បែបនេះ វាបានបង្ហាញស្បែកក្បាលនាងយ៉ាងច្បាស់ៗតែម្ដង ដែលបង្ហាញថានាងបាត់បង់សក់កាន់តែស្ដើងទៅៗ និងហានិភ័យនៃការទំពែកកំពុងកើតមានចំពោះនាងជាក់ជាមិនខាន។ ដែលរឿងនេះហើយ នៅពេលហ្វេនៗឃើញ ពួកគេពិតជាមានការបារម្ភណាស់។

គួរបន្ថែមផងដែរថា នេះមិនមែនជាលើកទីមួយទេ ដែល Yoona មានបញ្ហាសក់ស្តើងបែបនេះ ព្រោះកាលអំឡុងឆ្នាំ ២០១៥ នាងបានធ្វើឲ្យគ្រប់គ្នាចាប់អារម្មណ៍ច្រើន នៅពេលនាងបានធ្វើម៉ូតសក់ពុះកណ្ដាល ហើយអ្នកយកព័ត៌មានក៏បានចាប់បានរូបភាពមួយចំនួនដែរ ដោយក្នុងនោះមើលទៅ Yoona ពិតជាមានសក់ស្ដើងខ្លាំង ដូចមនុស្សទំពែកយ៉ាងដូច្នោះ។

យ៉ាងណាមិញ ទោះបីរឿងមួយនេះ វាជារឿងដែលធ្វើឲ្យអ្នកគាំទ្រគួរឲ្យព្រួយបារម្ភយ៉ាងណាក៏ដោយ ប៉ុន្តែបច្ចុប្បន្ន តារាស្រីរូបនេះ នៅតែមានភាពស្រស់ស្អាត មិនប្រែប្រួលតាមវ័យនោះឡើយ៕

ប្រភព៖ kenh14

• រូបភាព
• តារាកូរ៉េ