តារាកម្សាន្ត: កាលពីពេលថ្មីៗកន្លងទៅនេះ យោងតាមការស្រាវជ្រាវរបស់ក្រុមព្រះសុរិយា បានបង្ហាញរូបថតដ៏កម្ររបស់លោកស្រី ម៉ម សុខា តារាចម្រៀងប្រចាំក្រុមតន្ត្រីវិទ្យុជាតិ (វិទ្យុសម្លេងប្រជាជនកម្ពុជា) កាលពីទសវត្ស៨០ និងជាម្ចាស់បទ «ជំនោរដើមខែ» ដែលមហាជនចង់ឃើញរូបលោកស្រីណាស់ នៅខណៈពេលដែលក្នុងបណ្តេញសង្គមហ្វេសប៊ុក ឬយូធូប ពុំមាននរណាមានរូបលោកស្រីឡើយ។
សូមរំលឹកផងដែលថា លោកស្រី ម៉ម សុខា ជាអ្នកចម្រៀងដែលមានទឹកដមសំនៀងផ្អែមទន់ត្រជាក់ប្រកបដោយមនោសញ្ចេតនា ពិសេសបទស្នេហាជាតិតែម្តង។ លោកស្រីមានឈ្មោះល្បីល្បាញយ៉ាងខ្លាំង ក្នុងសម័យសាធារណរដ្ឋប្រមានិតកម្ពុជា និងសម័យរដ្ឋកម្ពុជា។ ក្រៅពីបទជំនោរដើមខែ បទល្បីៗរបស់លោកស្រីមានច្រើនដូចជា បទ បងនៅទីណា? បទ ចម្រៀងអវសាន្ត , បទ ព្យុះជីវិត , បទ បងនឹកឃើញទេ , បទ ឬស្សីបែកគុម្ភ ជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកស្រីមានឈ្មោះដើមថា អែម សុខា កើតនៅឆ្នាំ១៩៥៧ នាស្រុកសង្កែ ខេត្តបាត់ដំបង។ ក្រោយរបបខ្មែរក្រហមបញ្ចប់ទៅ លោកស្រីបានក្លាយជាអ្នកចម្រៀងមួយរូបនៃវង់តន្រ្តីវិទ្យុជាតិក្រោមការបង្ហាត់បង្រៀនពីឪពុកចិញ្ចឹមរបស់លោកស្រីគឺលោកសាស្រ្តាចារ្យ ម៉ម ប៉ុណ្ណារ៉ាយ។
លោកស្រីគឺជាភរិយារបស់លោក ម៉ម វីរដ្ឋាជាអ្នកចម្រៀង និងតន្រ្តីករដ៏ល្បីល្បាញមួយរូប។ លោកស្រីម៉ម សុខា បានលាចាកលោកទៅនៅខែឧសភា ឆ្នាំ១៩៩៤ ដោយជំងឺបេះដូងរីក៕
ចង់ជ្រាបកាន់តែច្បាស់សូមទស្សនារូបភាពនិងវីដេអូខាងក្រោមនេះ÷
ប្រភពរូបភាព និងព័ត័មាន: ក្រុមព្រះសុរិយា
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
