លោក ពេជ្រ ស្រស់ និយាយបែបនេះ​ ក្រោយកំពុងព្យាបាល​កូវីដ១៩​ បាន៣០​ថ្ងៃ (មានវីដេអូ)

រាជធានីភ្នំពេញ៖ កាលពីពេលថ្មីៗនេះ លោក ពេជ្រ ស្រស់ ដែលជាប្រធានគណបក្សយុវជនកម្ពុជា បានបង្ហោះវីដេអូមួយនៅលើបណ្តាញសង្គមតិកតុក ដោយបានផ្តាំផ្ញើក្រើនរំលឹក ដល់បងប្អូនប្រជាពលរដ្ឋគ្រប់គ្នា មេត្តាកុំចេញក្រៅ ដើរលេង ជួបជុំគ្នា។

ក្នុងនោះ ប្រធានគណបក្សរូបនេះ បានបន្តលើកឡើងថា ប្រសិនបើបងប្អូនឆ្លងជំងឺកូវីដ១៩នេះ នឹងធ្វើឱ្យបងប្អូនកាន់តែពិបាក ព្រោះតែជំងឺកូវីដ១៩ ប្រភេទដែលតា នេះ ពេលដែលឆ្លងហើយ ត្រូវការចំណាយពេលយូរក្នុងការព្យាបាល និងខាតពេលគ្រប់សព្វបែបយ៉ាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការលើកឡើងរបស់លោក ពេជ្រ ស្រស់ ធ្វើឡើងក្រោយពីលោកបាននឹងកំពុងសម្រាកព្យាបាលជំងឺកូវីដ១៩ ប្រភេទដែលតានេះ នៅមន្ទីរពេទ្យ បានរយៈ៣០ ថ្ងៃ កន្លងមកហើយ។

សូមរំលឹកផងដែរថា លោក ពេជ្រ ស្រស់ ប្រធានគណបក្សយុវជនកម្ពុជា បានបញ្ជាក់នៅលើបណ្តាញសង្គមហ្វេសប៊ុករបស់លោក កាលពីយប់ថ្ងៃទី១៤ ខែសីហា ឆ្នាំ២០២១ កន្លងទៅនេះ ថា រូបលោក បានឆ្លងកូវីដ១៩ ហើយ ក៏បានអំពាវដល់ប្រជាជនកម្ពុជា មេត្តាមានការប្រុងប្រយ័ត្នខ្ពស់៕