ក្រោយគេថាជា Tomboy កូនស្រី Angelina ចេះតែងខ្លួនស្រីហើយ

បរទេស៖ ជាការពិតណាស់​ វាគឺជារឿងធម្មតាស្រាប់ហើយ សម្រាប់កូនស្រីដំបូងរបស់តារាសម្ដែងស្រី Angelina Jolie និងអតីតស្វាមី លោក Brad Pitt នាង Shiloh ដែលតែងតែមានលេចធ្លោក៏ដូចជាទទួលបានចំណាប់អារម្មណ៍យ៉ាងខ្លាំង ខុសពីបងប្អូនបង្កើតផ្សេងទៀតរបស់នាង។

ជាមួយគ្នានេះដែរ ជំនួសឱ្យការស្លៀកសំពត់និងចងសក់ដូចក្មេងស្រី កូនស្រីច្បងរបស់តារាស្រីរូបនេះ តែងតែមានការតុបតែងខ្លួនស្លៀកពាក់ទៅតាមស្ទីលថមប៊យ ហើយវាក៏ជាហេតុផលមួយ ដែលធ្វើឲ្យមានព័ត៌មានចចាមអារ៉ាមតាមអ៊ិនធើណេតដោយបានលើកឡើងថា Shiloh ចង់ផ្លាស់ប្តូរភេទ ដើម្បីរស់នៅស្មោះត្រង់ចំពោះខ្លួនឯង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែទោះយ៉ាងណាក៏ដោយ ថ្មីៗនេះ កូនស្រី Angelina Jolie នាង Shiloh ក៏បានធ្វើការផ្លាស់ប្តូររូបរាងយ៉ាងធំ និងបានបង្កការភ្ញាក់ផ្អើល នៅពេលដែលនាងទុកសក់វែង​ព្រមទាំងស្លៀកពាក់ជាមនុស្សស្រីច្រើនជាងពេលមុនៗ។ ជាពិសេស តាមរយៈរូបភាពមួយចំនួនបានបង្ហាញថា នៅពេលដែល Shiloh ចាកចេញពីសាលារាំ បានបង្ហាញខ្លួនដោយបានពាក់អាវខ្មៅ ស្បែកជើងកីឡា និងកាន់កាបូបស្ពាយ ដែលធ្វើឲ្យអ្នកលេងអ៊ីនធឺណេតជាច្រើនបានបញ្ចេញយោបល់អំពីនាង។

មិនត្រឹមតែប៉ុណ្ណោះ ពួកគេក៏បានផ្ដោតអារម្មណ៍ទៅលើកាយវិការ យកអាវក្រៅទៅគ្របទ្រូង នៅអំឡុងពេលពេញវ័យដែលនាងមានការអៀនខ្មាស់ខ្លួនឯង។ ហើយពួកគេក៏បានសង្ឃឹម និងរង់ចាំរហូតដល់ Shiloh មានអារម្មណ៍ថាស្រណុកសុខស្រួល ជាមួយការបង្ហាញរូបភាពបែបមនុស្សស្រីយ៉ាងពេញភ្នែក ផងដែរ៕ 

ប្រភព៖​​ Ngoisao.vn

សូមទស្សនារូបភាពខាងក្រោម៖ 

• តារាអន្តរជាតិ