គួរឱ្យសង្វេគ! អ្នកគ្រូ ដួងម៉ារី សាស្ត្រាចារ្យផ្នែកចំរៀងរបាំបុរាណ ពេលនេះ មានជម្ងឺពុកឆ្អឹង យា៉ងធ្ងន់ បាក់ឆ្អឹងខ្នង៧កង់ ដើរពុំរួច

រាជធានីភ្នំពេញ៖ អ្នកគ្រូ ដួង ម៉ារី ដែលជាសាស្ត្រាចារ្យមួយរូប នៅសាកលវិទ្យាល័យវិចិត្រសិល្បៈផ្នែកចម្រៀងរបាំបុរាណ នាពេលនេះ មានជំងឺពុកឆ្អឹងយ៉ាងធ្ងន់ បាក់ឆ្អឹងខ្នង ៧កង់ មិនអាចដើរបាន។ នេះបើតាមការលើកឡើងរបស់ម្ចាស់គណនីហ្វេសប៊ុកឈ្មោះ Srey Sena Ek។

អ្នកគ្រូ ដួង មារី ត្រូវបានគេទទួលស្គាល់ថា ជាមរតកមនុស្សរស់ ផ្នែកវប្បធម៍ជាតិនិង ជាសិល្បករជើងចាស់បុិនប្រសប់ផ្នែកចំរៀងរបាំក្បាច់បុរាណនិងវង់ភ្លេងមហោរី។ គុណសម្បត្តិជាច្រើនក្នុងការបំរើសិល្បៈវប្បធម៌ តាំងពីទស្សវត្សទី៦០ រហូតបច្ចុប្បន្ន ដែលធ្វើឱ្យមនុស្សជាច្រើន មិនអាចភ្លេចបាននូវសំលេងដ៏ពិរោះក្រអួនក្រអៅមិនបាច់ដាក់មេក្រូក៏រូបគាត់ស្រែកច្រៀងបានឮខ្លាំងហើយពិរោះណាស់ ហើយពេលនេះ អ្នកគ្រូ មានជំងឺនេះ ជីវភាពរបស់អ្នកគ្រូ ក៏កំពុងតែជួបការលំបាកខ្វះខាតផងដែរ។

ក្រោយពីបានទទួលបានព័ត៍មាននេះ អ្នកប្រើប្រាស់បណ្តាញសង្គម បានចូលរួមខមិន សម្តែងការជូនពរ អ្នកគ្រូ ដួង ម៉ារី ឱ្យឆាប់ជាផងដែរ៕