សេដ្ឋីនី Kim Kardashian ធ្វើឲ្យអតីតអ្នកគ្រប់គ្រងស្រក់ទឹកភ្នែកដោយសាររឿងនេះ

បរទេស៖ ថ្មីៗនេះ តារាអាមេរិកស្រីដ៏ល្បីល្បាញ Kim Kardashian បានធ្វើឱ្យអតីតអ្នកគ្រប់គ្រង ព្រមទាំងជាមិត្តភក្តិដ៏ជិតស្និទ្ធរបស់នាង Stephanie Shepherd មានអារម្មណ៍រំភើបរហូតដល់ស្រក់ទឹកភ្នែក ព្រោះទទួលបានកាដូខួបកំណើតដ៏ធំមួយ។

អតីតអ្នកគ្រប់គ្រង នាង Stephanie Shepherd មានការភ្ញាក់ផ្អើលយ៉ាងខ្លាំងនៅពេលនាងទទួលបានកាដូដ៏ពិសេស ដែលជាកាបូបតូចម៉ាក Hermes មានតម្លៃ ២៥ ០០០ ដុល្លារ ពី Kim Kardashian ហើយមុនពេលបង្ហាញពីអារម្មណ៍ត្រេកអរបែបនេះ តារាស្រី Kim Kardashian ក៏បានទៅឱប និងថើប អតីតអ្នកគ្រប់គ្រងស្រីរបស់ខ្លួន ថែមទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ Kim Kardashian ក៏បានដឹងថា អតីតអ្នកគ្រប់គ្រងរបស់នាងរូបនេះ ចូលចិត្តកាបូបមួយនេះ ថែមទាំងមានបំណងចំណាយលុយដើម្បីទិញកាបូបក្លែងក្លាយដែលអាចប្រើប្រាស់បានដូចគ្នា ហើយដោយសារតែឃើញដូច្នេះ ទើបតារាស្រីរូបនេះ បានចំណាយលុយយ៉ាងច្រើន ដើម្បីទិញកាដូនេះ សម្រាប់អតីតអ្នកគ្រប់គ្រងរបស់នាង៕

ប្រភព៖ Ngoisao.vn

សូមទស្សនារូបភាពខាងក្រោម៖ 

• តារាអន្តរជាតិ