ទាក់ទងគ្នាយូរហើយ Adele ទើបសម្រេចចិត្តបង្ហោះរូបដំបូង ជាមួយគូស្នេហ៍

បរទេស៖ កាលពីថ្មីៗនេះ យោងតាមសារព័ត៌មានបរទេសមួយ បានរាយការណ៍ឲ្យដឹងថា មានអ្នកប្រមាញ់រូបថត បានចាប់យករូបភាពរបស់ តារាចម្រៀងស្រី Adele និង មិត្តប្រុសរបស់នាង នៅពេលដែលបានដើរចេញពីទ្វារក្រោយនៃភោជនីយដ្ឋានប្រណីតមួយ បន្ទាប់មកអ្នកទាំងពីរក៏ចូលទៅក្នុងឡានយ៉ាងលឿន ដែលធ្វើឲ្យមនុស្សជាច្រើនកាន់តែចង់ដឹងច្បាស់ពីទំនាក់ទំនងរបស់ពួកគេ ផងដែរ។ 

ដោយឡែក កាលពីប៉ុន្មានថ្ងៃមុននេះ តារាស្រី Adele ក៏បានធ្វើការបង្ហោះរូបថតជាមួយនឹងមិត្តប្រុសរបស់នាងជាលើកដំបូង នៅលើទំព័រផ្ទាល់ខ្លួន ក្នុងឱកាសដែលអ្នកទាំងពីរបានទៅចូលរួមក្នុងពិធីមង្គលការរបស់តារាបាល់បោះ លោក Anthony Davis នៅទីក្រុង Los Angeles ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈនេះដែរ ក៏ត្រូវបានមនុស្សជាច្រើនលើកឡើងថា វាគឺជាការផ្លាស់ប្តូរថ្មីមួយ ដើម្បីបញ្ជាក់ពីព័ត៌មានស្នេហារបស់តារាចម្រៀងស្រីរូបនេះ ជាមួយនឹងលោក Rich Paul ដែលត្រូវជាមិត្តប្រុសរបស់នាង ។ មិនត្រឹមតែប៉ុណ្ណោះ បន្ទាប់ពីការបង្ហោះមិនបានប៉ុន្មានម៉ោងផង រូបភាពរបស់ Adele និង​គូស្នេហ៍ ក៏ទទួលបានការ Like ជាង ៦ លាន និងមានការផ្ដល់មតិយោបល់រាប់ពាន់ពីទស្សនិកជន៕

ប្រភព៖ Zingnews

សូមទស្សនារូបភាពខាងក្រោម៖ 

• តារាអន្តរជាតិ