ព្រឹកមិញនេះ វ៉ាក់សាំងស៊ីណូវ៉ាក់ ចំនួន៣លានដូសទៀត បានដឹកមកដល់ប្រទេសកម្ពុជាហើយ

រាជធានីភ្នំពេញ: នៅនៅព្រឹកថ្ងៃសុក្រ ទី២៤ ខែកញ្ញា ឆ្នាំ២០២១នេះវ៉ាក់សាំងបង្ការជំងឺកូវីដ១៩ ស៊ីណូវ៉ាក់ (Sinovac) របស់ក្រុមហ៊ុនចិន ចំនួន៣លានដូសបន្ថែមទៀត ដែលជាការបញ្ជាទិញរបស់រាជរដ្ឋាភិបាលកម្ពុជានោះ បានដឹកមកដល់ប្រទេសកម្ពុជាហើយ។ វ៉ាក់សាំងដែលកម្ពុជា បានបញ្ជាទិញមកនៅពេលនេះ គឺសម្រាប់បម្រើដល់ការចាក់ជូនកុមារអាយុ ៦ឆ្នាំ ទៅ១២ឆ្នាំ។ នៅចុងខែនេះ ក៏នឹងមានវ៉ាក់សាំងមកដល់ប្រមាណ ៣លានដូសបន្ថែមទៀត។

សូមរំលឹកផងដែលថា គិតត្រឹមថ្ងៃសុក្រ ទី២៣ ខែកញ្ញា ឆ្នាំ២០២១កន្លងទៅកាលពីម្សិលមិញនេះ ផ្អែកតាមទិន្នន័យរបស់ក្រសួងសុខាភិបាលនៃព្រះរាជាណាចក្រកម្ពុជា ចំនួនអ្នកចាក់វ៉ាក់សាំងសរុបដល់ទៅ ៩៨.៦២% នៃប្រជាជនគោលដៅសរុបចំនួន១០លាន ដែលមានអាយុចាប់ពី១៨ឆ្នាំឡើងទៅ និងសម្រេចបានជាលទ្ធផល ៨០.១៥% នៃចំនួនប្រជាជនសរុប១៦លាននាក់៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចង់ជ្រាបឲ្យកាន់តែលម្អិត សូមទស្សនារូបភាពខាងក្រោមនេះ៖

• រូបភាព