អាយុក៏ច្រើន​ កូនក៏២​ តែម៉ារីម៉ា​ នៅតែខ្ញង់

ហ្វីលីពីន៖ កាលពីថ្ងៃទី ២៥ ខែកញ្ញា គ្រួសារដ៏ស្រស់ស្អាតបំផុតនៅក្នុងប្រទេសហ្វីលីពីន អ្នកនាង Marian Rivera បានទៅវិស្សមកាលជាមួយគ្នាយ៉ាងរីករាយនៅឆ្នេរសមុទ្រ។ជាមួយគ្នានេះ នៅលើទំព័រផ្ទាល់ខ្លួនរបស់តារាសម្តែងស្រីវ័យ ៣៧ ឆ្នាំរូបនេះ បានចែករំលែកនូវគ្រាដ៏សប្បាយរីករាយជាច្រើនជាមួយកូនប្រុសស្រីពីរនាក់គឺ Zia និង Sixto ។

មិនត្រឹមតែប៉ុណ្ណោះ នៅក្នុងនោះ តារាស្រីរូបនេះ ថែមទាំងបង្ហាញពីសកម្មភាពយ៉ាងស្និទ្ធស្នាលជាទីបំផុត ព្រមជាមួយនឹងកាយវិការ អោបថើបកូនស្រីប្រុសរបស់ខ្លួន យ៉ាងផ្អែមល្ហែម និងពោរពេញដោយក្ដីស្រលាញ់រវាងម្ដាយនិងកូន ទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះ តារាស្រីរូបនេះ បានធ្វើឲ្យមហាជនទទួលស្គាល់ថាជាស្រ្ដី ដែលមានសម្រស់ស្រស់ស្អាតជាងគេ ប្រចាំប្រទេសហ្វីលីពីនថែមទៀតផង។ ម៉្យាងវិញទៀត បើទោះបីជាអ្នកនាងមានកូន២ហើយក្តី ក៏Marian Rivera នៅតែលេចធ្លោនិងមានប្រជាប្រិយភាពខ្លាំងមិនចាញ់ពេលមុនដដែល។

ជាមួយគ្នានេះ គេក៏សង្គេតឃើញថាកូនស្រីច្បង Zia ថ្វីត្បិតតែនាងមានអាយុទើបតែ ៦ ឆ្នាំក៏ដោយតែកុមារីរូបនេះមានសម្រស់ស្រស់ស្អាត ដែលអាយុកាន់តែច្រើននាងមើលទៅដូចជាម្តាយរបស់នាងជាខ្លាំង ក្នុងនោះប្អូនប្រុស Sixto របស់នាងក៏មានរូបរាងសម្រស់ស្រស់សង្ហាមិនចាញ់បងស្រីប៉ុន្មានទេ ដោយបានមកពីធម្មជាតិដែលជារបស់ម្តាយឪពុកគេផ្តល់ឲ្យ៕ 

សូមទស្សនារូបភាពខាងក្រោម៖

• រូបភាព