សាហាវម៉េះ ទើបសម្រាលកូនមិនប៉ុន្មានផង Mew បង្អួតរាងស្លីមដូចដើម

ថៃ៖ បន្ទាប់ពីសម្រាលបានកូនស្រីដ៏គួរឲ្យស្រលាញ់ម្នាក់រួចមក តារាស្រី Mew Nittha កាន់តែបង្ហាញពីសុភមង្គលនៅក្នុងគ្រួសារជាបន្តបន្ទាប់នៅលើបណ្ដាញសង្គម ដែលធ្វើឲ្យអ្នកគាំទ្រជាច្រើនរំភើបជំនួស ក៏ដូចជារងចាំពីការវិលត្រឡប់របស់នាង ផងដែរ។ 

យ៉ាងណាមិញ ក្រោយពីបានក្លាយជាអ្នកម្តាយមួយរូបដែលបានផ្ដល់កំណើតកូនស្រីដំបូងនោះមិនបានប៉ុន្មានផង ថ្មីៗនេះ Mew Nittha បានចេញមកបង្ហោះរូបភាពខ្លួនឯង បង្កជាភាពភ្ញាក់ផ្អើលដល់ទស្សនិកជនជាច្រើន ខណៈពេលដែលបានបង្ហាញរូបសម្រស់ដ៏ស្រស់ស្អាតសាជាថ្មី តុបតែងខ្លួនក្នុងឈុតសម្លៀកបំពាក់ពណ៌ស បង្អួតរាងចង្កេះតូច ក្បាលពោះរាបស្មើដ៏ទាក់ទាញ ថែមទៀត។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត បណ្ដាហ្វេនៗជាច្រើនដែលបានឃើញហើយ ពិតជាមិនសរសើរមិនបានចំពោះរូបរាងរបស់ Mew ដែលសឹងតែមិនគួរឲ្យជឿ ព្រោះនាងទើបតែសម្រាលកូនទើបតែបានតែ ២ សប្តាហ៍តែប៉ុណ្ណោះ ប៉ុន្តែរូបសម្រស់ក៏បានត្រលប់មកដូចដើមវិញយ៉ាងឆាប់រហ័សបែបនេះ៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ