ញ៉េញខ្លាំង! Chanel ទើបចេញផ្សាយរូបភាពថ្មី Jennie ថតឡើងខ្ញង់សាហាវ!

កូរ៉េខាងត្បូង៖ មិនយូរប៉ុន្មានផេកផ្លូវការរបស់ម៉ាកប្រ៊េនដ៏ល្បី​ Chanel បានចេញផ្សាយ រូបភាពរបស់ Jennie សមាជិកក្រុម BLACKPINK ដែលជាឯកអគ្គរដ្ឋទូតរបស់ខ្លួន ជាមួយរូបភាពប៉ុន្មានសន្លឹក កំពុងអង្រួងចិត្តរបស់អ្នកគាំទ្រ នៃរូបភាពឆើតឆាយរបស់អាយដលរបស់ពួកគេ។

ជាក់ស្តែង រូបភាពដែលថតដោយ អ្នកថតរូបដ៏ល្បី Inez និង Vinoodh បានផ្តិតយក សុទ្ធសឹងតែប្លង់ស្អាតៗ តែម្តង បូករួមទៅនឹង សកម្មភាពនៃការធ្វើស្ទាយ៍ដ៏ប៉ិនប្រសប់របស់ Jennie ទៀតផងនោះ បានធ្វើឲ្យ មួយប្លង់ទៅមួយប្លង់ ទាក់ភ្នែក ពិតជាគួរឲ្យចង់គយគន់​តែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ ជាមួយការលេងទឹកមុខដូចជាតារាម៉ូដែលអាជីពទៅហើយ កាន់តែធ្វើឲ្យរូបភាពទាំងនោះ មានភាពលេចធ្លោខ្លាំង បូករួមទៅនឹង រូបរាងត្រូវបានតុបតែងជាមួយនឹងឈុត Chanel ដ៏ប្រណីតភាព និងបន្ថែមការរចនា គ្រងលើខ្លួន នៃគ្រឿងអលង្ការដិតៗ Jennie ពិតមើលទៅជាអស្ចារ្យណាស់ នាំមកនូវភាពឆើតឆាយ ឆ្នាស់ឆ្នើម មានអំណាច ពិតជាសាកសមខ្លាំងទៅនឹងឯកអគ្គរដ្ឋទូតប្រចាំពិភពលោករបស់​ប្រ៊េនដ៏ល្បី​ Chanel ពិតប្រាកដមែន៕

សូមទស្សនារូបភាពខាងក្រោម៖

• តារាកូរ៉េ