ដឹងអត់ថានាយ វ៉ាងដឺ និងត្រង់ដឺ ត្រូវជាអ្វីនឹងគ្នាឲ្យប្រាកដ?

តារាកម្សាន្ត÷ ជឿជាក់ថា ប្រិយមិត្ត និងមហាជនប្រាកដជាធ្លាប់បានទទួលជ្រាប និងស្គាល់នៅកំពូលតារាកំប្លែង២ដួង គឺនាយវ៉ាងដឺ និងនាយត្រង់ដឺ ដែលសុទ្ធសឹងតែជាតារាកំប្លែងដ៏មានទេពកោសល្យ និងសមត្ថភាពខ្ពស់ ហើយតែងតែធ្វើឲ្យអ្នកទស្សនាសឹងតែទប់សំណើចពុំបាន ដោយសារសម្លេងរដឺន និងកាយវិការកំប្លុកកំប្លែង គ្រប់ឈុតឆាកតែម្តង។

យ៉ាងណាមិញ ងាកក្រលេកមកមើលជីវិតឯកជន និងប្រវត្តិជីវិតដ៏ជិតស្និទ្ធរវាងតារាកំប្លែង២រូបនេះគឺថា លោកទាំងពីរជាឪពុកនិងកូនគ្នា ដោយនាយត្រង់ដឺជាឪពុក មានឈ្មោះពិតថា យិន បឿន គឺជាតារាកំប្លែងប្រចាំប្រទេសកម្ពុជានាមុនឆ្នាំ១៩៧៥។ នាយត្រង់ដឺ មានស្រុកកំណើតនៅខេត្តបាត់ដំបង ដែលមានឪពុកឈ្មោះយិន ផា និងម្តាយឈ្មោះបូ។ លោកបានទទួលមរណៈភាពក្នុងឆ្នាំ១៩៧៧ ក្នុងសម័យខ្មែរក្រហម ឬកម្ពុជាប្រជាធិបតេយ្យ ១៩៧៥-១៩៧៩" នៅតំបន់រាម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចំណែកឯនាយវ៉ាងដឺ ជាកូនវិញ មានឈ្មោះពិតថាយិន សារឹមជាកូនប្រុសរបស់នាយត្រង់ដឺ ដែលបងប្អូនភាគច្រើនតែងតែយល់ច្រឡំថាពួកគាត់គឺជាមនុស្សតែមួយ។ នាយវ៉ាងដឺ គឺជាតារាកំប្លែងដែលមានឈាមជ័រ និងទេពកោសល្យដូចឪពុករបស់លោកដែរ។ លោកបានទទួលមរណភាពក្នុងឆ្នាំ២០០៤៕

ចង់ជ្រាបកាន់តែច្បាស់ សូមទស្សនារូបភាពខាងក្រោមនេះ÷

• កំប្លែង
• រូបភាព
• តារាខ្មែរ