ថែសុខភាពផង! ចាប់ពីថ្ងៃស្អែក ដល់ថ្ងៃ៥ ខែតុលា ភ្លៀងធ្លាក់ពីតិច មកបង្គួរ

ភ្នំពេញ៖ នៅថ្ងៃទី ២៨ ខែកញ្ញា ឆ្នាំ២០២១នេះ ក្រសួងធនធានទឹក និងឧតុនិយម បានចេញសេចក្តីជូនដំណឹងស្តីពី ស្ថានភាពធាតុអាកាសនៅប្រទេសកម្ពុជា ចាប់ពីថ្ងៃ ២៩ ខែកញ្ញា ដល់ទី ៥ ខែតុលា ឆ្នាំ២០២១។

ក្នុងនោះ​ ក្រសួងធនធានទឹក បានបញ្ជាក់ថា ក្នុងមួយសប្តាហ៍ទៅមុខនេះ កម្ពុជាទទួលនូវឥទ្ធិលពលនៃជ្រលងសម្ពាធទាបឥណ្ឌា និងខ្យល់មូសុងនិរតីខ្សោយៗ ហើយប្រព័ន្ធសម្ពាធទាប និងកកើតឡើងសារជាថ្មីអូសបន្លាយលើប្រទេសថៃ ឡាវ និងប្រទេសវៀតណាមដូច្នេះដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្តែងក្នុងនោះ​ ក្រសួងធនធានទឹក បានបញ្ជាក់ថា ក្នុងមួយសប្តាហ៍ទៅមុខនេះ កម្ពុជាទទួលនូវឥទ្ធិលពលនៃខ្យល់មូសុងនិរតីខ្សោយៗក្នុងនោះ៖

-តំបន់វាលទំនាបកណ្តាល ពីថ្ងៃទី២-៥ ខែតុលា កម្រិតភ្លៀងអាចពីតិច ទៅបង្គួរ

សីតុណ្ហភាព​អប្បបរមា ២៤- ២៦ អស្សាសេ

សីតុណ្ហភាពអតិបរមា ៣២- ៣៤ អស្សាសេ

-តំបន់ខេត្តជួរភ្នំ ដងរែក និងខ្ពស់រាបឥសាន្ត កម្រិតភ្លៀងអាចពីខ្សោយ ទៅបង្គួរ

សីតុណ្ហភាព​អប្បបរមា ២២- ២៦ អស្សាសេ

សីតុណ្ហភាពអតិបរមា ៣២- ៣៤ អស្សាសេ

-តំបន់មាត់សមុទ្រ  កម្រិតភ្លៀងអាចពីតិច ទៅបង្គួរ

សីតុណ្ហភាព​អប្បបរមា ២៣- ២៥ អស្សាសេ

សីតុណ្ហភាពអតិបរមា ៣០- ៣២ អស្សាសេ

​អាស្រ័យស្ថានភាពធាតុអាកាសដូចបានជម្រាបជូនខាងលើ សូមសាធារណៈជនជ្រាបជាព័ត៌មាន ដោយបង្កើនការប្រុងប្រយ័ត្នចំពោះបាតុភូតការផ្លាស់ប្តូរអាកាសធាតុ តាមតំបន់មួយចំនួនផងដែរ៕

ដើម្បីជ្រាបឱ្យកាន់តែច្បាស់ សូមអានសេចក្តីជូនដំណឹងលម្អិតខាងក្រោម៖