ក្រោយត្រូវរិះគន់រឿងស្រកច្រើនគីឡូ លើកនេះសម្រស់ Huang Xiaoming ត្រូវគេសរសើរវិញ

ចិន៖ ថ្មីៗនេះ យោងតាមទំព័រដ៏ល្បីមួយ បានរាយការណ៍ថា មានអ្នកនិយមលេងអ៊ីនធឺណេតម្នាក់បានចែករំលែករូបភាពដែលចាប់រូបថតរបស់ តារាប្រុសលោក Huang Xiaoming ដែលត្រូវបានគេស្គាល់ថាជាស្វាមី តារាស្រី Angelababy ដោយចៃដន្យនៅឯភោជនីយដ្ឋានមួយ។

នៅក្នុងនោះដែរ រូបភាពបែបជិតបំផុតរបស់តារាសម្តែងរូបនេះ ពិតជាបានបង្ហាញពីសម្រស់ពិតដ៏គួរឲ្យចាប់អារម្មណ៍។ ជាពិសេស ក្រោយពីស្រកទម្ងន់ជាច្រើន ដោយសារតែរឿងការងារ លោក Huang Xiaoming មានការផ្លាស់ប្តូររូបរាងដ៏អស្ចារ្យក្នុងវ័យ ៤៤ ឆ្នាំ ព្រមទាំងបានធ្វើឱ្យមនុស្សជាច្រើននឹកស្មានមិនដល់ ដោយសារមើលឃើញពីសម្រស់ដ៏ស្រស់សង្ហាក្មេងជាងវ័យបែបនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ តាមរយៈរូបភាពទាំងនោះ តារាសម្តែងរូបនេះ ថែមទាំងត្រូវបានគេនិយាយថា មានការតុបតែងខ្លួនយ៉ាងទាន់សម័យទៀតផង។ យ៉ាងណាមិញ កាលពីមុនមកនេះ លោក Huang Xiaoming ធ្លាប់បង្កឱ្យមានការភ្ញាក់ផ្អើល ជាមួយនឹងទឹកមុខស្រអាប់ បង្ហាញស្នាមជ្រួញរាប់មិនអស់នៅលើមុខមាត់ ដែលធ្វើឲ្យមនុស្សជាច្រើនគិតថា វាគឺជាផលប៉ះពាល់ នៃការសម្រកទម្ងន់ហួសហេតុរបស់តារាប្រុសរូបនេះ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន