ខេត្តបន្ទាយមានជ័យ៖ ប្រជាពលរដ្ឋនាំកូននាំចៅទៅលេងផ្លូវដែលត្រូវទឹកជាន់លិច ដោយក្នុងមួយថ្ងៃមិនតិចជាងរយនាក់នោះទេ ដូចជាពួកគាត់មិនខ្វល់ខ្វាយខ្លាចឆ្លងកូវីដ១៩ នោះទេ។ ឃើញបែបនេះ ហើយដើម្បីចូលរួមបង្ការការឆ្លងរីករាលដាលជំងឺកាចសាហាវនេះ អាជ្ញាធរ បានចុះទៅបង្រ្កាបប្រើធម៍ក្តៅ ដោយសម្រេចថា បើមានអ្នកចូលទៅលេងជួបជុំគ្នាទៀតនឹងឱ្យក្រុមការងារយកសំណាកទីនោះតែម្តង ដោយអនុវត្តគិតចាប់ពីថ្ងៃទី២៧ ខែកញ្ញា ស្ថិតនៅឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ។
ដើម្បីទប់ស្កាត់ពលរដ្ឋដែលពពាក់ពពួននាំគ្នាមកលេងទឹក ជួបជុំជាក្រុមមនុស្សច្រើនរបស់ប្រជាពលរដ្ឋបែបនេះអភិបាលរងស្រុកមង្គលបូរី លោក ពិន សេងហាប់ បានកាន់ម៉ៃក្រូហ្វូនស្រែកក្រើនរំលឹកដូច្នេះថា ចាប់ពីពេលនេះ ម៉ោងនេះ ត្រូវបិទមិនអោយប្រជាពលរដ្ឋទៅលេងទឹកជួបជុំនៅកន្លែងលេងទឹកលិចផ្លូវឡើយ ដូចល្មើសវិធានសុខាភិបាលដែលបង្ការទប់ស្កាត់កូវីដ.១៩ កំពុងឆ្លងរីករាលដាលក្នុងសហគមន៍ដូចជា នៅស្រុកមង្គលបូរី ដែលកំពុងឆ្លងរាល់ថ្ងៃនេះ ជាការព្រួយបារម្ភរបស់អាជ្ញាធរខ្លាំងណាស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ លោកពិន សេងហាប់ បានលើកឡើងថា ទាំងយុវចាស់និងយុវ័យក៏ដោយ ចាប់ពីពេលនេះម៉ោងនេះ ត្រូវបញ្ឈប់សកម្មភាពជាបន្ទាន់ ខណៈប្រជាពលរដ្ឋបាននាំកូនចៅ សាច់ញាតិ មកលេងទឹកដែលទឹកជំនន់លិចផ្លូវតភ្ជាប់ពីស្រុកមង្គលបូរី ព្រំប្រទល់ក្រុងសិរីសោភ័ណ ដែលឃើញនាំគ្នាំមកលេងរយៈពេល២ទៅ៣ថ្ងៃមកហើយ និងមកគ្នាច្រើន ដែលបង្កនូវហានិភ័យខ្ពស់នៃការឆ្លងនិងការរាលដាលនៃជំងឺឆ្លងកូវីដ-១៩។
ទន្ទឹមនេះ អភិបាលរងស្រុកមង្គលបុរីរូបនេះ បានសង្កត់ធ្ងន់ថា ការណែនាំនិងប្រាប់មិនស្តាប់ទៀត អាជ្ញាធរស្រុកមង្គលបូរីប្រើធម៌ក្តៅចំពោះបងប្អូនប្រជាពលរដ្ឋណាមិនស្តាប់ហើយផ្គើនការបំរាមរាជរដ្ឋាភិបាល បើនៅបន្តនាំគ្នាមកលេងទឹកជួបជុំគ្នាទៀត គឹដាក់ក្រុមការងារយកសំណាករកវិជ្ជមានកូវីដ.១៩ និងអនុវត្តតាមការណែនាំរបស់ក្រសួងសុខាភិបាលតែម្តង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
