រាជធានីភ្នំពេញ៖ នៅព្រឹកថ្ងៃទី២៨ ខែកញ្ញា ឆ្នាំ២០២១នេះ បុគ្គលិកពេទ្យសត្វនៃអគ្គនាយកដ្ឋានបសុសត្វ បានចុះទៅយកសំណាកសត្វមាន់ ដែលដាក់លក់ក្នុងផ្សារបន្លែច្បារអំពៅ ដើម្បីទប់ស្កាត់ជំងឺផ្តាសាយបក្សី។
សូមជម្រាបថា នៅព្រឹកថ្ងៃទី២៨ ខែកញ្ញានេះ បុគ្គលិកពេទ្យសត្វចំនួនពីរនាក់ បានចុះមកយកសំណាកសត្វមាន់ដែលអាជីវករ បានដាក់លក់ នៅក្នុងផ្សារបន្លែច្បារអំពៅ មានទីតាំងស្ថិតក្នុងភូមិកណ្តាល សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។ នេះបើតាមការឱ្យដឹងរបស់លោក សាន់ ប៊ុនណា ប្រធានគណៈកម្មការផ្សារបន្លែច្បារអំពៅ បានប្រាប់សារព័ត៍មនាកម្ពុជាថ្មី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះ លោកប្រធានផ្សាររូបនេះ បានលើកឡើងថា គឺបុគ្គលិកពេទ្យសត្វ បានចុះមកសំណាកសត្វមាន់ ដែលបងប្អូនអាជីវករដាក់លក់ក្នុងផ្សារ ក្នុងរយៈពេល៣០ថ្ងៃ ដើម្បីយកសំណាកទៅពិនិត្យ ក្រែងលោកកើតមានជំងឺផ្តាសាយបក្សី។
សូមជម្រាបផងដែរថា គិតចាប់ពី ឆ្នាំ២០២០រហូតមកឆ្នាំ២០២១នេះ គឺពុំទាន់មានជំងឺផ្តាសាយបក្សីកើតទៅលើសត្វមាន់ នៅក្នុងប្រទេសកម្ពុជានោះទេ ហើយបើសិនត្រូវបានរកឃើញ គឺពេទ្យសត្វមិនអនុញ្ញាតឲ្យដាក់លក់សត្វទាំងនោះ ហើយនឹងអាចរឹបអូសយកទៅកម្ទេចចោល ព្រោះងាយឆ្លងជំងឺទៅមនុស្ស៕
ប្រភព៖ KPT
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
