រាជធានីភ្នំពេញ៖ នាពេលថ្មីៗនេះ សមាគមមិត្តសិល្បៈស្ម័គ្រចិត្តជួយសង្គម បានឧបត្ថម្ភថវិកា "មូលនិធិសិល្បករចាស់ជរា" ជូនតារាសម្តែង សេង សូណា ដែលបានឆ្លងជំងឺកូវីដ-១៩ និងមានជំងឺប្រចាំកាយជាច្រើនមុខ ដែលកំពុងសម្រាកព្យាបាលនៅវិទ្យាល័យសម្តេចឪ ខេត្តបាត់ដំបង ។
បើតាមការបញ្ជាក់ពីសមាគមន៍ដដែលនេះ បានឱ្យដឹងថា សមាគមន៍បានជួយឧបត្ថម្ភដល់អតីតតារាស៊ិចស៊ី សេង សូណា តាំងពីថ្ងៃទី១០ ខែកញ្ញា ឆ្នាំ២០២១ មកម្លេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួររំលឹកថា សមាគមមិត្តសិល្បៈស្ម័គ្រចិត្តជួយសង្គម ក្រោមការយកចិត្តទុកដាក់ដ៏ខ្ពង់ខ្ពស់ពី សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ជានិច្ចកាល ជួយឧបត្ថម្ភដល់ «មូលនិធិសិល្បករចាស់ជរា» នូវថវិកាចំនួន ៥ម៉ឺនដុល្លារ ក្នុង១ឆ្នាំ ក្នុងរយ:ពេល ៥ឆ្នាំដើម្បីទ្រទ្រង់ដល់សិល្បករចាស់ជរា។
សូមរំលឹកដែរថា នាពេលនេះ នាងកំពុងសម្រាកព្យាបាលជំងឺកូវីដ នៅវិទ្យាល័យសម្តេចឪ ខេត្តបាត់ដំបង អស់រយៈពេល២០ថ្ងៃជាងមកហើយ នៅមិនទាន់បានចេញមកព្យាបាលនៅខាងក្រៅឡើយ ។ នាងថា ការឆ្លងជំងឺកូវីដនេះ នាងអត់ដឹងថា ពីអ្នកណា និងរបៀបណានោះទេ ពេលនាងមកនៅបាត់ដំបងធ្វើការជាភ្នាក់ងារលក់ដីឡូត៍បាន២ថ្ងៃ ក៏ឆ្លងកូវីដ ខណៈនាងមានជំងឺផ្សេងៗមុននេះដែរ ។ តារាដែលកំពុងជួបទុក្ខគួរឱ្យឱ្យអាណិតរូបនេះ បានបង្ហើបឱ្យដឹងថា រូបនាងធ្លាក់ខ្លួនដល់ថ្នាក់នេះ ដោយសារតែគេបិទផ្លូវសិល្បៈ ព្រោះត្រូវខាងក្រសួងវប្បធម៌ ចេញបម្រាម ខកខានថត និងការងារសិល្បៈផ្សេងៗទៀត។ នេះបើតាមការរៀបរាប់របស់នាងជាមួយសារព័ត៍មានកោះសន្តិភាព។
ក្នុងនោះ តាមប្រភពដដែលបានបន្តថា ដោយសារភាពសិចស៊ីជ្រុល និងមានការព្រមានឱ្យកែខ្លួន សេង សូណា លែងមានគេហៅទៅថតទៀតតែម្តង។ សូម្បីស្ព៉ត ថតខារ៉ាអូខេ ឬរឿងផ្សេងៗ គឺស្ងាត់ឈឹងរយៈពេល ២ឆ្នាំ គ្មានចំណូលអ្វីក្រៅពីចំណាយ។ តារាស្រីរូបនេះ បានសារភាពថា នាងមិនមានផ្ទះសម្បែងក្នុងក្រុងភ្នំពេញទេ ពោលជួលផ្ទះគេស្នាក់នៅរហូតមក។ នាងច្រានចោល ការលង់ខ្លួនចាញ់បោកប្រុសឈ្មោល ឬលេងល្បែងស៊ីសងនោះឡើយ។
តែនាពេលនេះ នាងពុំមានអ្វីនឹងខ្លួនឡើយ ថែមទាំងមានជំងឺច្រើនមុខ កំពុងរួមរឹតរាងកាយ សេង សូណា បានពោលទាំងក្តុកក្តួល អួលដើមក សុំការអាណិតពីបងប្អូនថា ចង់បានផ្ទះប្រក់សង្ក័សី តូចមួយ៣ឬ៤ម៉ែត្រ បួនជ្រុង នៅជ្រកកុំដើរជួលគេ។ សូម្បីតែម្ចាស់ផ្ទះជួលក៏បណ្តេញចេញនាងចេញ បើមានគេអាណិតពិតជាអរគុណ និងដឹងគុណ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
