មិននឹកស្មាន ក្រោយលែងលះ អតីតស្វាមីធ្លាក់កូដខ្លាំង ឯការងារ Yang Mi ខ្ពស់ត្រដែត

ចិន៖ ថ្មីៗនេះ យោងតាមទំព័រដ៏ល្បីមួយបានរាយការណ៍ថា មានអ្នកលេងអ៊ីនធើណេតម្នាក់បានចែករំលែករូបភាពរបស់ តារាប្រុស លោក Hawick Lau ដែលគេស្គាល់ថាជាអតីតស្វាមីរបស់តារាស្រី Yang Mi បានលេចមុខនៅក្នុងកម្មវិធីឃោសនាមួយ ហើយរូបភាពរបស់តារាសម្តែងហុងកុងដ៏ល្បីល្បាញរូបនេះ ក៏បានទទួលនូវការចាប់អារម្មណ៍ពីមនុស្សជាច្រើនផងដែរ។

នៅក្នុងនោះដែរ តារាសម្តែងប្រុសរូបនេះ បានតុបតែងខ្លួនស្លៀកពាក់សាមញ្ញធម្មតា និងហាក់ដូចជាមានអ្នកគាំទ្រប៉ុន្មាននាក់ប៉ុណ្ណោះ ដែលបានមកមើលពីជីវិតពិតរបស់លោកនៅពេលនេះ។ យ៉ាងណាមិញ តាមប្រភពដដែលនេះ  ក៏បានលើកឡើងថា នេះមិនមែនជាកម្មវិធីធំដុំអ្វីទាំងអស់ ប៉ុន្តែគ្រាន់តែជាវគ្គណែនាំផលិតផលនៅមជ្ឈមណ្ឌលលក់ទំនិញតូចមួយ។ មិនត្រឹមតែប៉ុណ្ណោះ នៅក្នុងការចូលរួមលើកនេះ លោក Hawick Lau ហាក់ដូចជាមានការខ្វះ ពីការយកចិត្តទុកដាក់ ដែលបង្ហាញថាឲ្យឃើញថា ពួកគេមិនចាប់អារម្មណ៍ក្នុងការថែរក្សារូបភាពរបស់តារាសម្តែងប្រុសរូបនេះ នៅក្នុងព្រឹត្តិការណ៍នោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត​ គេអាចមើលឃើញថា បន្ទាប់ពីមានរឿងរ៉ាវលែងលះជាមួយនឹង តារាស្រី Yang Mi អាជីពការងារ និងប្រជាប្រិយភាព របស់តារាសម្តែងប្រុសរូបនេះ បានធ្លាក់ចុះយ៉ាងខ្លាំង ដោយមានការសម្តែងភាពយន្តតិចតួចបំផុត និងគ្មានកម្មវិធីចូលរួមផ្សេងៗទៀត ផងដែរ។ ប៉ុន្តែ ផ្ទុយស្រឡះពី Yang Mi ដែលមានភាពមមាញឹកខ្លាំងនឹងការងារ បន្ទាប់ពីសម្រាកមួយរយៈដោយចំណាយពេលសម្រាប់ខ្លួនឯង និងបានត្រលប់មកធ្វើការវិញយ៉ាងឆាប់រហ័សទាំងការចូលក្នុងកម្មវិធីក៏ដូចជាការសម្ដែងនៅក្នុងរឿងជាច្រើនទៀត៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន