កាលពីឆ្នាំ២០១៤ តួប្រុសក្នុងរឿង «រថភ្លើងទៅប៊ូសាន» ក៏ធ្លាប់មកខ្មែរ ធ្វើរឿងមួយពោរពេញដោយក្ដីស្រលាញ់

តារាកម្សាន្ត៖ ជឿជាក់ថា ហ្វេនៗដែលធ្លាប់បានទស្សនាខ្សែភាពយន្តបែបរន្ធត់របស់កូរ៉េ រឿង «រថភ្លើងទៅប៊ូសាន» ច្បាស់ជាបានស្គាល់តារាសម្ដែងប្រុសដ៏ល្បីលោក Gong Yoo ជាក់ជាមិនខាន ព្រោះតារារូបនេះ ពិតជាមានទេពកោស្យយ៉ាងពូកែ និងរូបរាងសង្ហា មុខមាត់សមជាសុភាពបុរស ទាក់ទាញចិត្តហ្វេនៗជាច្រើនសឹងគ្រប់ប្រទេស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះ ក្រៅពីមានរូបរាងសង្ហគួរជាទីចាប់អារម្មណ៍ហើយនោះ តារាប្រុសវ័យ ៤៣ឆ្នាំរូបនេះ ក៏មានទឹកចិត្តល្អក្នុងការជួយធ្វើកិច្ចការងារសង្គមច្រើនផងដែរនាពេលកន្លងមក។

ជាក់ស្ដែង បើរំឮកទៅដល់កាលពីឆ្នាំ ២០១៤ វិញ Gong Yoo ក៏ធ្លាប់បានចូលរួមកិច្ចការងារជាមួយអង្គការ UNICEF និងធ្លាប់បានមកដល់លើទឹកដីប្រទេសកម្ពុជារបស់យើងដែរ។ ជាពិសេស លោកថែមទាំងបានចុះទៅសួរសុខទុក្ខ និងមើលថែក្មេងៗក្នុងតំបន់មួយចំនួន ធ្វើសកម្មភាពនានាបែបសាមញ្ញៗជាមួយក្មេងៗ ពោរពេញដោយស្នាមញញឹមយ៉ាងកក់ក្ដៅមិនប្រកាន់ខ្លួនជាតារាល្បីនោះឡើយ។ ក្នុងនោះដែរ តាមរយៈរូបភាពកាលពីឆ្នាំ ២០១៤នោះ នៅពេលហ្វេនៗបានឃើញក្នុងពេលបច្ចុប្បន្ននេះ ពួកគេពិតជាពេញចិត្តនិងសរសើរអំពីទឹកចិត្តដ៏ល្អរបស់តារាប្រុសរូបនេះជាហូរហែ៕

សូមទស្សនារូបភាពខាងក្រោម៖

ប្រភពរូបភាពពី៖ K-Pop World

• រូបភាព
• តារាកូរ៉េ