ទើបទាក់ទងគ្នា៤ខែ Jenny បង្ហាញដំណឹងមានផ្ទៃពោះជាមួយគូស្នេហ៍បាត់

ថៃ៖ បន្ទាប់ពីមានពាក្យចចាមអារាមលើកឡើងថា តារាចម្រៀងស្រីវ័យក្មេង Jenny មានផ្ទៃពោះរួចហើយតារាស្រីរូបនេះក៏បានចេញមកធ្វើការបដិសេធ ប៉ុន្តែរូបនាងនៅតែមានព័ត៌មានកាន់តែច្រើនឡើងព្រមទាំងប្រញាប់ប្រញាល់រៀបការជាមួយនឹងគូស្នេហ៍បណ្ដូលចិត្ត ដែលទើបតែទាក់ទងគ្នាបាន ៤ ខែ តែប៉ុណ្ណោះ។

យ៉ាងណាមិញ ថ្មីៗនេះ តារាស្រី​ Jenny បែរជាធ្វើឲ្យអ្នកគាំទ្រជាច្រើនភ្ញាក់ផ្អើលពេញបណ្ដាញសង្គម បន្ទាប់បានបង្ហាញដំណឹងល្អជាផ្លូវការ ថាមានផ្ទៃពោះជាមួយកូនដំបូងរួចទៅហើយ ជាពិសេសនាងក៏បានបញ្ជាក់ជាមួយនឹងឧបករណ៍ធ្វើតេស្តផ្ទៃពោះដែលបង្ហាញ ២ បន្ទាត់ និងបង្ហើបថា នេះគឺជាកាដូដ៏ល្អបំផុតនៅក្នុងជីវិត ព្រមទាំងភាពសប្បាយរីករាយជាមួយនឹងគូស្នេហ៍ជាទីស្រលាញ់ ថែមទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងហេតុការណ៍នេះ ក៏មានអ្នកគាំទ្រជាច្រើន បានបង្ហាញពីការពេញចិត្តនិងបញ្ចេញមតិដើម្បីអបអរសាទរចំពោះ អនាគតឪពុកម្តាយ ក៏ដូចជារង់ចាំមើលសមាជិកថ្មីរបស់គូស្នេហ៍អ្នកទាំងពីរក្នុងពេលឆាប់ៗនេះ ៕ 

ប្រភព៖ Kapook

សូមទស្សនារូបភាពខាងក្រោម៖

• តារាថៃ