តារាស្រីទាំងនេះ ត្រូវគេរិះគន់ពីចរិតនៅពេលបំពេញការងារសិល្បៈ

កម្សាន្ត៖ បើទោះជាមានសមត្ថភាព និងរូបសម្រស់ស្រស់ស្អាតគួរជាទីពេញចិត្តក៏ដោយ តែបណ្ដាសិល្បករមួយចំនួន នៅតែទទួលរងនូវការរីះគន់ពីមហាជនជាច្រើន ខណៈដែលពួកបានបង្ហាញពីអត្តចរិតក៏ដូចជាឥរិយាបថ ដែលទស្សនិកជនយល់ថា វាហាក់មានភាពមិនសាកសមដែលតារាល្បីៗទាំងនោះគួរធ្វើនោះទេ។

ដោយឡែកខាងក្រោមនេះ គឺជាតារាស្រីល្បីៗប៉ុន្មានដួងដែលត្រូវបានមនុស្សជាច្រើនលើកឡើងពីចរិតកាយវិការមិនសមរម្យដែលឈានទៅដល់ឲ្យមានការរិះគន់ផងដែរ៖ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. Angelababy

នៅក្នុងខ្សែភាពយន្តមួយដែល តារាស្រី Angelababy បានចូលរួមនោះ នាងបានប្រើតួជំនួសឥតឈប់ឈរ ហើយចំនួនឈុតដែលនាងសម្តែងខ្លួនឯងគឺមានមិនច្រើននោះទេ។ នៅពេលថតនៅខាងក្រៅនៅរដូវក្តៅ នាងត្រូវរៀបចំបំពាក់ម៉ាស៊ីនត្រជាក់ជាច្រើនដើម្បីកាត់បន្ថយកំដៅ មុនពេលនាងអាចធ្វើសកម្មភាពបាន។ ជាពិសេស តារាសម្តែងរូបនេះ ថែមទាំងមានជំនួយការ ៦ នាក់ ដើម្បីបម្រើ ដែលធ្វើឲ្យមនុស្សជាច្រើន បានរិះគន់ចំពោះនាងយ៉ាងខ្លាំង។

២. Ju Jingyi

តារាសម្ដែងស្រី Ju Jingyi ជាសិល្បករមួយរូបដែរ ដែលត្រូវបានមហាជនលើកឡើង នៅក្នុងកំឡុងពេលចូលរួមសម្ដែងក្នុងភាពយន្តមួយ ដែលនៅពេលរៀបចំពិធីបើក តារាស្រីរូបនេះ បានមកយឺតពេលដល់ទៅ ៣ ម៉ោងដែរ។ ជាពិសេសនោះដែរ នៅពេលថតរឿងផ្សេងមួយទៀត នាងក៏បានប្រើតួជំនួស នៅគ្រប់ឈុតពេលក្តៅ និងពេលភ្លៀងព្រោះខ្លាចគ្រឿងសំអាងត្រូវលាងសម្អាតចេញ។ 

៣. Liu Yifei

កាលពីនៅឆ្នាំ ២០១៨ មានមនុស្សពីរបីនាក់ដែលបានអះអាងថាជាបុគ្គលិករបស់ ក្រុមផលិតភាពយន្តមួយ និងបានចោទប្រកាន់ទៅលើ តារាស្រី Liu Yifei ថាគ្មានវិជ្ជាជីវៈជាសិល្បករដ៏ល្បីមួយរូប។ ក្នុងនោះដែរ តារាសម្តែងស្រីរូបនេះ បាននាំអ្នកសរសេរស្គ្រីបផ្ទាល់ខ្លួន ដើម្បីកែប្រែស្គ្រីប មុនពេលសម្តែងឈុតឆាក តាមការស្នើសុំរបស់អ្នកដឹកនាំរឿង។ មិនត្រឹមតែប៉ុណ្ណោះ តារាស្រីរូបនេះ បានទាមទារថ្លៃអាហាររាប់រយយ័ន ហើយថែមទាំងមិនមានជំនាញវិជ្ជាជីវៈនោះទេនៅពេលដែលបានមកយឺតជាញឹកញាប់ ដោយទុកឱ្យតារាផ្សេងទៀតរង់ចាំ។

៤. Zhou Dongyu

តារាស្រី Zhou Dongyu ក៏ត្រូវបានទស្សនិកជនជាច្រើន បង្ហាញការមិនពេញចិត្តដោយសារតែអាកប្បកិរិយាក្រអឺតក្រទមរបស់នាង។ ដោយនៅក្នុងកម្មវិធីមួយ តារាស្រីរូបនេះ តែងតែហៅអ្នករួមការងារម្នាក់ដែលមានវ័យចាស់ទុំជាងនិងមានអាយុដូចឪពុកនិងពូរបស់នាង ដោយឈ្មោះពេញធម្មតា និងមិនប្រើពាក្យផ្ដល់កិត្តិយសអ្វីទាំងអស់។

៥. Jenny Zhang Jiani

នៅឆ្នាំ ២០១៩ សមាជិកនៅក្នុងក្រុមថតរឿងម្នាក់ បានបង្ហាញពីរឿងអាក្រក់របស់ តារាស្រី Jenny Zhang ពេលកំពុងថតរឿងមួយ ដែលតារាសម្តែងរូបនេះ បានមានទំនាស់ជាមួយបុគ្គលិកស្រីម្នាក់នៅក្នុងក្រុមផលិតខ្សែភាពយន្ត ហើយនាងបានវាយបុគ្គលិកម្នាក់ដល់ទៅ ៣ ដង។ បើថ្វីត្បិតតែខ្លួនធ្វើខុស ប៉ុន្តែតារាស្រីរូបនេះនៅតែបង្ខំឲ្យបុគ្គលិកផ្សេងទៀតធ្វើការសុំទោស បើមិនដូច្នេះទេ នាងនឹងមិនដើរតួនៅក្នុងរឿងនោះទេ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន