ប្រច័ណ្ឌ? ហ្វេនកំពុងគិតថា ហេង វិសាល លួចប្រច័ណ្ឌ ស្រីនា ខណៈបង្ហាញប្រតិកម្មបែបនេះ (មានវីដេអូ)

ភ្នំពេញ៖ បើនិយាយដល់ YouTuberដ៏ល្បី លោក ហេង វិសាល និងកញ្ញា ជា ស្រីនា បច្ចុប្បន្នមានមហាជន និងហ្វេនយុវវ័យជាច្រើនកំពុង Ship អ្នកទាំងពីរឲ្យស្រលាញ់គ្នា។ ដោយសារតែមួយរយៈចុងក្រោយនេះ តារាប្រុសស្រីពីររូបនេះ តែងតែមានការងារជាមួយគ្នាជាញឹកញាប់ ព្រមទាំងបង្ហាញភាពស្និទ្ធស្នាលខុសពីធម្មតាផងដែរ។

ម្យ៉ាងវិញទៀត គ្រប់សកម្មភាពរបស់កម្លោះសង្ហា និងស្រីស្រស់ពីរូបនេះ ក៏ឧស្សាហ៍ថតវីដេអូ និងរូបភាព បង្ហាញពីសកម្មភាពស្វីតៗសឹងតែដូចគូស្នេហ៍ទៅហើយ។ មិនតែប៉ុណ្ណោះ គេសង្កេតឃើញថា តារាYouTuber ពីររូបនេះ តែងតែនិយាយពីចំណុចល្អពីគ្នាសឹងតែគ្រប់ពេលតែម្ដង។ លើសពីនេះទៅទៀត គេអាចនិយាយបាន ថ្មីៗនេះអ្នកទាំងពីរទទួលបានការចាប់អារម្មណ៍យ៉ាងខ្លាំងនាពេលបច្ចុប្បន្ន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង អ្វីដែលមហាជនកាន់តែចាប់អារម្មណ៍ខ្លាំងបំផុតនោះ ក្នុងការឡាយលោក ហេង វិសាល បានបញ្ចេញប្រតិកម្មហាក់បីដូចកំពុងលួចប្រច័ណ្ឌកញ្ញា ជា ស្រីនា ខណៈតារាស្រីរូបនេះ និយាយពីរឿងមិនចេះជិះម៉ូតូ ហើយនាងទៅជិះម៉ូតូឲ្យអ្នកផ្សេងឌុបដែលមិនមែនជាលោក ហេង វិសាល នោះ។ ខណេៈនោះផងដែរ កាយវិការ ទឹកមុខ និងពាក្យសម្ដីរបស់តារាប្រុសរូបនេះ បានញ្ចេញឲ្យហ្វេនឃើញថាលោកកំពុងតែលួចច្រណែន និងប្រច័ណ្ឌផងដែរ។ 

គួរបញ្ជាក់ផងដែរថា តារាYouTuberវ័យក្មេងពីរូបនេះ នៅមិនទាន់ប្រកាសថាខ្លួនកំពុងមានទំនាក់ទំនងស្នេហាជាមួយគ្នាឡើយ តែវាគ្រាន់តែជាការចាប់គូរបស់ហ្វេនៗរអ្នកទាំងពីរប៉ុណ្ណោះ៕

ប្រភពវីដេអូ៖ Salneafanpage123

ចង់ជ្រាបច្បាស់ សូមទស្សនារូបភាព និងវីដេអូខាងក្រោម៖ 

@salneafanpage123

ប្រចណ្ឌ😭🙏🏻 #Salnea #fyneanea♡

♬ original sound - Salnea_BoBa - Salnea_Kennis

• រូបភាព
• តារាខ្មែរ